福岡漢堡扒 (厚福街) (已結業)

今日午餐同男朋友黎自己燒漢堡扒過下癮。和牛漢堡扒套餐包一碗白飯、麵豉湯、配菜、沙律。菠蘿煙肉和牛漢堡扒要L Size。佢有教學教你點燒﹕將吸氣管同石頭既位置對準，將適量既漢堡扒平鋪係石上，然後每隔3秒迅速翻一下，下次要先清左石頭上既食物同燒焦再燒。漢堡扒充滿肉汁，無筋唔韌，有得玩又得食，正。東武里牛丼有生雞肉、紫洋蔥、洋蔥、芥末醬，亦包麵豉湯、辣泡菜同沙律。牛肉切成一粒粒，肉質厚實。生雞蛋撈飯一齊食一流，口感濕潤，令白飯多左味道。