永順食店 (已結業) 查看

平時係茶餐廳食早餐，一定會食沙爹牛肉麵，最近因工作關係多咗係元朗出沒，只要早咗有啲時間就會去永順食個沙爹牛肉麵，食過一次就會永遠記住依種味，所以只要有機會係元朗就會再去食。入座後，基本上好快已經落好單，因為沙爹牛肉麵要啲時間，所以我多數會要多個三文治食住等，雖然今次我叫咗餐蛋治，但我會推介鮮牛蛋治烘底，只係得閒轉下口味。沙爹牛肉麵個湯底勁濃沙爹牛味，一啖湯一啖麵，好快就食哂，但我唔係幾食得出蟹王麵同出前一丁既分別，所以我係無轉蟹王麵。雖然咁既早餐，會有啲肥膩，但好食既話又有咩好怕。