皇玥

營業中

休息中

有公司送左張皇玥月餅券，於是就試下半島總廚自立門戶既奶黃月餅，係咪有大師級既水準。事先聲明，我係未食過「半路酒店」既月餅，所以有機會食皇玥既月餅，都幾期待。終於攞到手，一個手飾箱裝住啲月餅，好華麗既裝潢，grant 得來又可以重用。切黎食啦！外皮係蛋黃酥皮，好靚亦都好好味，幾重蛋黃香，加分到食奶黃啦！唔似得其他餅家，佢哋既奶黃無乜蛋黃粒，但個奶黃好 creamy , 都幾重奶黃味，口感雖然無有粒粒蛋黃咁開心，但食落去，係有濃濃既奶黃味。到流心既部分啦！我食第一個果陣，係就咁從雪櫃拎出嚟食既，無叮過，但仍然食到流動既奶黃，厲利👍🏻，但因為係流心，所以係經過左啲特別處理，所以奶油味會偏重，無乜蛋黃香，但呢個都係可以理解既。整體黎講，我會俾呢個流心奶黃月餅 4-4.5 ⭐️⭐️⭐️⭐️/5。個人覺得，流心奶黃，皇玥好食過陳慧琳食開果間。下次，想試返佢地傳統奶黃月餅。