更多
2024-03-28
19 瀏覽
上排去完旅行,瘋狂飲椰青!好掛住呢個味道,即刻打返個椰子雞邊爐,回味下清甜嘅味道👅。幸福四季椰子雞 主打椰子雞邊爐,呢到環境優雅,有廂房包廳,私隱度極高,適合三五知己共聚一爐。🥥原味椰子雞鍋(半隻)先飲湯,後食雞,落咗4個椰子🥥加椰肉,再加鮮雞滾5分鐘,湯底超清甜呀😋!用咗脂肪較少嘅文昌雞,肉質好鮮嫩。飲完頭啖椰子雞湯,就可以請職員加豬骨湯打邊爐喇!部分火鍋料有85折,都幾抵食。🥩手切級牛小排厚薄均勻,肉質鮮嫩,帶有油脂香味,味道回甘。🍡雙拼丸黑松露墨魚丸味道濃郁口感Q彈;牛丸內藏花膠,含有豐富骨膠原增加味道層次感。🦀特長皇帝蟹柳味道鮮甜,肉質爽口,份量仲要好多添!🦆嫩鴨血口感嫩滑多汁,索晒湯底嘅鮮味。🍜稻庭烏冬最後淥返個手打烏冬,爽口彈牙,吸收晒所有食材嘅鮮味!🍐杞子元肉雪梨茶除咗椰子雞湯,必試呢杯滋補雪梨茶,清甜可口,好適合一邊打邊爐一邊飲。
上排去完旅行,瘋狂飲椰青!好掛住呢個味道,即刻打返個椰子雞邊爐,回味下清甜嘅味道👅。
幸福四季椰子雞 主打椰子雞邊爐,呢到環境優雅,有廂房包廳,私隱度極高,適合三五知己共聚一爐。
🥥原味椰子雞鍋(半隻)
先飲湯,後食雞,落咗4個椰子🥥加椰肉,再加鮮雞滾5分鐘,湯底超清甜呀😋!用咗脂肪較少嘅文昌雞,肉質好鮮嫩。
飲完頭啖椰子雞湯,就可以請職員加豬骨湯打邊爐喇!部分火鍋料有85折,都幾抵食。
🥩手切級牛小排
厚薄均勻,肉質鮮嫩,帶有油脂香味,味道回甘。
🍡雙拼丸
黑松露墨魚丸味道濃郁口感Q彈;牛丸內藏花膠,含有豐富骨膠原增加味道層次感。
🦀特長皇帝蟹柳
味道鮮甜,肉質爽口,份量仲要好多添!
🦆嫩鴨血
口感嫩滑多汁,索晒湯底嘅鮮味。
🍜稻庭烏冬
最後淥返個手打烏冬,爽口彈牙,吸收晒所有食材嘅鮮味!
🍐杞子元肉雪梨茶
除咗椰子雞湯,必試呢杯滋補雪梨茶,清甜可口,好適合一邊打邊爐一邊飲。
張貼