影片
更多
2016-05-23
1342 瀏覽
由於個人酷愛餃子，尤其係韮菜餃。係一條友食廿幾三十隻都不是問題果隻 所以都會周圍試餃子店。個人不太喜歡食某大型連鎖餃子店，所以屋企樓下有間都很少幫襯，反而會上openrice搵下有無啲新驚喜。果然，黃天不負有心人，俾我食到呢間以食餃子為主既"餃掂"。間野喺太子既食街，呢度唔係大街，黎得呢度既都係搵食之人。附近搜羅左一次，見唔到有錶位可以泊，所以一如既往，泊街囉咩事先好彩等左十幾分鐘我等到個街位，泊到正一正喺間野出面，方便睇車。入到去間野，感覺怪怪的，個人覺得好大陸feel。四周圍既牆上都係字，係成幅牆都係。。。。四周又好似有好多風水野咁，如一座座紫水晶，十分古怪。不過唔理得咁多，食到我愛既餃子就話之佢啦 haha。我同個朋友叫左一碗大既韭菜豬肉餃，一碗大既粟米豬肉餃，一碗麻辣擔擔麵拼菜心餃，同埋一碗雲耳椰菜餃麵。實行一次過試晒咁多款。其實仲有款佢地報稱係招牌既松茸餃，不過我同友人都不太好菇，所以無叫到。餃子方面，食完最滿意既都係韮菜餃同粟米餃，味道最夾。菜心餃都好味，不過略帶微甘，可以考慮加啲薑去苦味。另外朋友就覺得雲耳椰菜餃最好味，我就覺得一般，味道好像無咁夾。總括而言，餃子很好食，
果然，黃天不負有心人，俾我食到呢間以食餃子為主既"餃掂"。
間野喺太子既食街，呢度唔係大街，黎得呢度既都係搵食之人。附近搜羅左一次，見唔到有錶位可以泊，所以一如既往，泊街囉咩事先好彩等左十幾分鐘我等到個街位，泊到正一正喺間野出面，方便睇車。
入到去間野，感覺怪怪的，個人覺得好大陸feel。四周圍既牆上都係字，係成幅牆都係。。。。四周又好似有好多風水野咁，如一座座紫水晶，十分古怪。
不過唔理得咁多，食到我愛既餃子就話之佢啦 haha。我同個朋友叫左一碗大既韭菜豬肉餃，一碗大既粟米豬肉餃，一碗麻辣擔擔麵拼菜心餃，同埋一碗雲耳椰菜餃麵。實行一次過試晒咁多款。其實仲有款佢地報稱係招牌既松茸餃，不過我同友人都不太好菇，所以無叫到。
餃子方面，食完最滿意既都係韮菜餃同粟米餃，味道最夾。菜心餃都好味，不過略帶微甘，可以考慮加啲薑去苦味。另外朋友就覺得雲耳椰菜餃最好味，我就覺得一般，味道好像無咁夾。總括而言，餃子很好食，肉同菜既比例較得岩岩好！
至於湯底有兩種，分別係住家湯(用於淨餃子)同擔擔麵湯底 (用於麵食)。住家湯底好似係用魚同粉葛煲的，報稱不加味精。飲落又真係唔覺口渴既，而且好重粉葛味，好有家既感覺。 個湯淡淡地，配合餃子濃濃既味道，十分之夾！朋友就覺得太淡，要加鹽，真不靠譜，簡直係破壞晒人地個arrangement。
至於個麵湯底。。。。有辣有唔辣，任君選擇。haha 我愛食麻辣所以當然揀辣啦，友人一點辣都食唔到的所以走辣。我覺得呢個麻辣完全唔係麻辣，一啲都唔麻，只有辣，仲要個湯本身係酸的，亦無落花生煮，所以嚴格黎講係一個酸辣湯麵，並非擔擔麵，這裡有點失望。
價錢方面我覺得都幾貴，十隻湯餃要$40-$44，松茸要成$60一碗。不過考慮到餃子既質素同佢地對餃子既熱誠，我覺得都值得推薦俾咁多位愛餃之人試一試！
張貼
