影片
更多
2018-05-05
157 瀏覽
朋友安排左樓上西餐幫我慶祝生日，餐廳客人頗多，幸好很快安排我地入座，落地玻璃窗配襯夜晚的燈光，好岩同女仔朋友來聚餐或慶生，朋友果然揀到好地方。Co-Ds 小食拼盤（小）配黑松露蛋黃醬 $168小食拼盤估唔到甘大份，可以慢慢食慢慢傾，有美式香辣脆雞翼、炸魚手指、芝士條、甜蕃薯條、德國腸，所以好大堆頭，又抵食。炸魚手指是粗身的，啖啖肉外層夠脆身，沾黑松露蛋黃醬仲滋味，松露味道重仲好香。芝士條要襯熱食，睇下拉出長長芝士，太引誘啦，芝士味唔算好濃，有清淡奶味芝士帶點煙韌，炸衣超脆口。雞翼醃得唔夠入味，比較普通。不過甜蕃薯條好好食，好香甜好重蕃薯味，食落冇薯仔甘膩。不得不提旁邊的沙律，份量多又新鮮，蔬菜爽脆加上黑醋醬汁，酸酸甜甜可清減炸小食的油膩，更令我地增添胃口。招牌黑松露菌蟹蓋焗意大利飯 $198起初睇相怕太細，原來係足夠2-3人分享，好大個蟹蓋，滿滿的意大利飯，仲有豪爽地放好多黑松露醬，配襯在小石裝飾上，非常美觀又配合主菜，很有風格。蟹肉拆成絲混入意大利飯中，加有黑松露、菇菌、松露忌廉醬汁......煮成的焗飯，面層還鋪上芝士焗至金黃色，香味撲鼻。意大利飯偏軟身，仲吸到好香松露味，crea
朋友安排左樓上西餐幫我慶祝生日，餐廳客人頗多，幸好很快安排我地入座，落地玻璃窗配襯夜晚的燈光，好岩同女仔朋友來聚餐或慶生，朋友果然揀到好地方。
Co-Ds 小食拼盤（小）
$168
11 瀏覽
0 讚好
0 留言
小食拼盤估唔到甘大份，可以慢慢食慢慢傾，有美式香辣脆雞翼、炸魚手指、芝士條、甜蕃薯條、德國腸，所以好大堆頭，又抵食。
炸魚手指是粗身的，啖啖肉外層夠脆身，沾黑松露蛋黃醬仲滋味，松露味道重仲好香。
芝士條要襯熱食，睇下拉出長長芝士，太引誘啦，芝士味唔算好濃，有清淡奶味芝士帶點煙韌，炸衣超脆口。
雞翼醃得唔夠入味，比較普通。不過甜蕃薯條好好食，好香甜好重蕃薯味，食落冇薯仔甘膩。
不得不提旁邊的沙律，份量多又新鮮，蔬菜爽脆加上黑醋醬汁，酸酸甜甜可清減炸小食的油膩，更令我地增添胃口。
招牌黑松露菌蟹蓋焗意大利飯
$198
20 瀏覽
0 讚好
0 留言
起初睇相怕太細，原來係足夠2-3人分享，好大個蟹蓋，滿滿的意大利飯，仲有豪爽地放好多黑松露醬，配襯在小石裝飾上，非常美觀又配合主菜，很有風格。
蟹肉拆成絲混入意大利飯中，加有黑松露、菇菌、松露忌廉醬汁......煮成的焗飯，面層還鋪上芝士焗至金黃色，香味撲鼻。意大利飯偏軟身，仲吸到好香松露味，creamy奶香的醬汁令所有味道都融合得好好，好適合香港人口味。
當中更有蟹膏，令味道更豐富，好香濃甘香。
心太軟配藍眼淚雪糕
$78
30 瀏覽
0 讚好
0 留言
主角出場，餐廳特別服務，可以在甜品裝飾寫上祝福字句，朋友好貼心安排，令我驚喜又高興。
最特別的環節來了，也是我最驚喜之處，還有呢款特別煙火，大約數十秒就完，把握機會影相同許願。看來煙火盡顯氣派，的確好靚好好睇，仲吸引全場目眼，下次也要帶朋友來幫她慶祝。
心太軟有流心效果，朱古力漿慢慢流出，味道香甜濃郁，配濕潤鬆軟蛋糕已經好美味。
配埋沖繩海鹽藍眼淚雪糕，咸甜之間，加上冷熱交替，完美甜品爲今晚慶祝生日飯聚畫上句號。一定大讚廚師細心，連士多啤梨都切成心形，超可愛好看，女仔無法抗拒的甜品。
張貼
