辛安東元祖奶奶雞 (已結業)

🏠辛安東元祖奶奶雞 好耐以前讀書果陣同朋友食過安東元祖奶奶雞，果陣係食打邊爐形式嘅奶奶雞，我記得味道都唔錯，同埋食物好大份。所以今日同朋友兩位一齊試下有冇唔同左🤣 餐廳分左2層，坐上面就舒服啲，空曠啲，但係就比較難點餐，或者有嘢都難搵店員幫手🥹 🐔半隻元祖奶奶雞 $178 元祖奶奶雞係可以叫一隻或者半隻，加$50仲可以轉火鍋， 因為當日淨係同朋友兩個人，所以就叫咗半隻都冇轉到火鍋。我地叫左小辣， 唔可以話一啲都唔辣，我本身係完全食唔到辣嘅人🤣🤣下次可以叫中辣。除左雞之外，配菜仲有薯仔、紅蘿蔔、翠肉瓜，仲有韓式冬粉，全部配料都好大嚿，但同時都唔會煮得唔熟，全部都好淋👍🏻雞都幾滑👍🏻 唯一一個問題就係太油， 我記得食到最後，成個碟剩低嘅都係一層油🤣 泡菜豚肉卷 $78 呢個一上枱都有少少失望，因為佢所謂嘅泡菜原來係泡菜醬， 同埋呢個卷係切得好薄，好少食韓國餐廳會將飯卷切到咁薄😅😅就嚟同個碟既厚薄變左一樣😂😂 味道都冇咩驚喜，真係有啲失望...