影片
更多
2022-08-24
443 瀏覽
朋友專登出嚟佐敦搵我食飯，我帶咗佢去一間想食好耐嘅餐廳🤣，就係位於德興街嘅「Mizu」。由於我哋預早打電話訂枱，店員專登留咗張梳化位畀我哋。餐廳環境由內至外都滿有格調，裝修簡約舒服。日頭佢係一間有午餐賣嘅咖啡店，夜晚就搖身一變成為主打日式串燒嘅酒吧餐廳。佢絕對稱得上為一間百變小店！餐廳每日五點前會提供Brunch Menu🍽，款式種類都幾唔同，包括有沙律、意粉、全日早餐同日式定食等，價錢由$98至$188不等，我認為定價都稍為進取。串燒雞定食($188)，呢度既然係串燒店，就當然唔可以錯過佢嘅串燒🍢，吧枱位置更會見到師傅燒嘅過程，每串精心處理，一啲都唔馬虎。定食有三款串燒同少量燒蔬菜，而底部就係蘸咗肉汁嘅珍珠飯。定食內容豐富🍱，包括前菜、沙律同湯。湯雖然係麵豉湯，但冇出面餐廳嘅咁鹹，而且好多料。前菜係木魚絲鰹魚汁菠菜，味道清爽；另外仲有醃菜蕎頭開開胃。第一串係日本華味鳥手羽先，即係鹽燒雞翼🍗，雞皮燒到脆卜卜，不得了。再者，雞皮啲脂肪好似喺燒嘅過程中蒸發晒，食落一啲都唔油膩。雞肉肉質細滑，所以簡單用鹽調味已經好掂！第二串係秘製雞肉棒棒，佢係免治雞肉製品🐔，並附上日本蘭黃蛋汁食用🍳，食落多
朋友專登出嚟佐敦搵我食飯，我帶咗佢去一間想食好耐嘅餐廳🤣，就係位於德興街嘅「Mizu」。由於我哋預早打電話訂枱，店員專登留咗張梳化位畀我哋。
餐廳環境由內至外都滿有格調，裝修簡約舒服。日頭佢係一間有午餐賣嘅咖啡店，夜晚就搖身一變成為主打日式串燒嘅酒吧餐廳。佢絕對稱得上為一間百變小店！
餐廳每日五點前會提供Brunch Menu🍽，款式種類都幾唔同，包括有沙律、意粉、全日早餐同日式定食等，價錢由$98至$188不等，我認為定價都稍為進取。
串燒雞定食
$188
19 瀏覽
0 讚好
0 留言
定食內容豐富🍱，包括前菜、沙律同湯。湯雖然係麵豉湯，但冇出面餐廳嘅咁鹹，而且好多料。前菜係木魚絲鰹魚汁菠菜，味道清爽；另外仲有醃菜蕎頭開開胃。
第一串係日本華味鳥手羽先，即係鹽燒雞翼🍗，雞皮燒到脆卜卜，不得了。再者，雞皮啲脂肪好似喺燒嘅過程中蒸發晒，食落一啲都唔油膩。雞肉肉質細滑，所以簡單用鹽調味已經好掂！
第二串係秘製雞肉棒棒，佢係免治雞肉製品🐔，並附上日本蘭黃蛋汁食用🍳，食落多汁又夠味。不過如果棒棒能加入雞軟骨，定必更有咬口。
第三串係煙肉卷，🥓煙肉中間包裹菜葉，估計應該係油墨菜？原本我哋驚串燒夾咗菜，未必咬得開，但實際上唔使擔心。
塔尼之諾芝士配什菌沙樂美腸意大利飯($128)，呢個算係咖啡店類嘅食物。🇮🇹🍚意大利飯口味正宗，佢並唔係就咁加啲忌廉汁落去煮就算，反而係做得到「煮唔熟、好似生米」嘅質感。即使份量唔算好多，但已經夠晒飽。
調味上，餐廳選用塔尼之諾芝士🧀，我第一次食呢隻芝士，佢味道濃烈，但又唔係死鹹嗰種，幾特別。相反地，沙樂美腸同什菌更帶出鹹香🍄。另一邊廂，意大利飯會跟配一客柚子醋沙律。
百利甜酒鮮奶咖啡
$76
9 瀏覽
0 讚好
0 留言
總括嚟講，呢間餐廳好高質🌟，各方面都好出色，而我更想特別讚吓女店員嘅服務。佢非常友善👍，樂於同客人交流，拿捏得好好，又建議客人襯熱同脆時先食咗串燒雞便當，最後仲送上晚市Coupon。見係佢，我一定會再嚟支持吓啦😊！
張貼
