影片
更多
2023-07-19
136 瀏覽
📌 MEMOIR - 銅鑼灣登龍街28號永光中心17樓🗓(19/7) 星期三 ⏰ 晚上6:45左右💈特式：今日另一半有約，唯有自己一個人食晚飯，收工行完時代廣場就過左去登龍街搵食，登龍街多好野食就係人都知，我就純粹憑感覺搵左呢間Fusion餐廳，希望有個Good嘅用餐體驗啦。🥩🍔🌭🌮🥗🥯🥘🍲🍝🍣🥟🍤🍱食物：見佢有set dinner提供，會包左3個courses(湯/4選1前菜/4選1主菜)同甜品，而家等我同大家講下味道先。🥣餐湯 - 湯就可以揀當日精選餐湯，又或者加$20要龍蝦湯，今日餐湯就係紅菜頭湯，但我就當然加錢都要揀我最鐘意嘅龍蝦湯，一上枱已經聞到好香龍蝦味，入口勁濃郁，除左龍蝦嘅鮮味，仲飲到奶油嘅香味，質地濃稠但入口又好順滑，鐘意龍蝦湯嘅朋友必定要試。🥗前菜 - 有4個選擇，我糾結左好耐要煙三文魚杏仁芝士卷定吞拿魚腐皮餃好，因為兩者都好吸引。我結果都揀左煙三文魚杏仁芝士卷，道菜上枱時已經見到好靚，無論擺盤/顏色配搭上都做得好精緻，煙三文魚嘅鮮味同芝士嘅咸香味融為一體，再配埋少少杏仁片點綴，面頭再放左黑魚子同三文魚子，口感豐富細膩，係一道好高質嘅開胃前菜。🐮🥩烤美國頂級牛胸腹配
🗓(19/7) 星期三 ⏰ 晚上6:45左右
💈特式：今日另一半有約，唯有自己一個人食晚飯，收工行完時代廣場就過左去登龍街搵食，登龍街多好野食就係人都知，我就純粹憑感覺搵左呢間Fusion餐廳，希望有個Good嘅用餐體驗啦。
🥩🍔🌭🌮🥗🥯🥘🍲🍝🍣🥟🍤🍱
食物：見佢有set dinner提供，會包左3個courses(湯/4選1前菜/4選1主菜)同甜品，而家等我同大家講下味道先。
🥣餐湯 - 湯就可以揀當日精選餐湯，又或者加$20要龍蝦湯，今日餐湯就係紅菜頭湯，但我就當然加錢都要揀我最鐘意嘅龍蝦湯，一上枱已經聞到好香龍蝦味，入口勁濃郁，除左龍蝦嘅鮮味，仲飲到奶油嘅香味，質地濃稠但入口又好順滑，鐘意龍蝦湯嘅朋友必定要試。
龍蝦湯
3 瀏覽
0 讚好
0 留言
🥗前菜 - 有4個選擇，我糾結左好耐要煙三文魚杏仁芝士卷定吞拿魚腐皮餃好，因為兩者都好吸引。
我結果都揀左煙三文魚杏仁芝士卷，道菜上枱時已經見到好靚，無論擺盤/顏色配搭上都做得好精緻，煙三文魚嘅鮮味同芝士嘅咸香味融為一體，再配埋少少杏仁片點綴，面頭再放左黑魚子同三文魚子，口感豐富細膩，係一道好高質嘅開胃前菜。
煙三文魚杏仁芝士卷
3 瀏覽
0 讚好
0 留言
🐮🥩烤美國頂級牛胸腹配香草醬 $468 - 4款主菜入面有3款都係海鮮，因為湯同前菜都已經選擇左海鮮，所以主菜就揀左呢個牛胸腹。
係咁高質嘅西餐廳食牛扒，叫5成熟係基本法則，上枱見到新鮮嘅淺粉紅色已經食指大動，食落口肉質鮮嫩多汁，帶有濃烈牛香味，微酸嘅清香香草醬，配合埋牛胸腹更加相得益彰，配菜仲有我最鐘意嘅焗蒜，perfect。
烤美國頂級牛胸腹配香草醬
$468
5 瀏覽
0 讚好
0 留言
🧀🍰甜品 - 甜品可以選擇New York Cheese Cake或加$10轉Daily Dessert，咁有我最鐘意嘅Cheese Cake又唔洗加錢，梗係唔使諗啦。
呢件Cheese Cake不論味道同擺盤都有酒店級數，芝士味濃郁芳香，質感綿密，入口軟滑，係我近期食過之中嘅佳作。而家值得一讚嘅係，佢地甜品係會特登用凍碟上，真係好細心。
New York Cheese Cake
4 瀏覽
0 讚好
0 留言
☕️🍵🥤🧋🍺🍷🥃🍹🧉🍾🍶🥛
飲品 : 跟餐就無包任何餐飲，但見佢食物質素上乘，飲品都應該有返咁上下水準，所以就特登叫左個Iced Cappuccino，只只係$38，西餐廳嚟講算係抵，咖啡味都夠濃，有咖啡香氣，入口好滑，絕對係唔錯。
Iced Cappuccino
$38
3 瀏覽
0 讚好
0 留言
🍽環境：呢度嘅環境/裝修/氣氛/佈置都可以媲美高級酒店嘅西餐廳，整體氣氛好高雅，加上柔和嘅燈光、令人感覺好有情調同好relax。
⭐️特別想一講同讚，就係佢地本menu，餐廳好有心機咁畫咗好多宮崎駿嘅插畫，仲有好多經典嘅場口，令到人睇本menu時充滿咗好多童年嘅回憶。
🤵🏻🤵🏻♀️🤵🏻♂️服務：店員服務非常好，語氣/態度都比人覺得舒服，亦感覺到好專業，直頭有高級酒店咁嘅服務級數。
💰💸價錢：食左一個咁高質咁滿足嘅西式dinner set，埋單都只係$500多少少，我覺得性價比都算ok，環境/食物質素等，各方面都做得好過好多西餐廳。
🐲💬總結：整體嚟講，我對今次呢餐都非常滿意，包括食物質素/環境/氣氛等等，見到佢仲有個招牌16小時慢煮油封鴨髀好吸引，期待下次嚟可以試埋佢。
推薦指數：❤️❤️❤️❤️❤️
張貼
