M Kitchen (已結業)

疫情下人人安守家中，令好多食肆都無做晩市，依家提早七點就關門。我倆剛好六時入座，趕上尾班車！同我想像中淨係一碗湯烏冬有驚喜，一人鍋加上大大個原隻蕃茄做湯底，真材實料用鮮茄。主角安格斯牛肉又夠新鮮，每一卷都卷到好厚，打開都包住三四片牛肉，肉質嫩滑又有新鮮既牛肉味，肥瘦適中。另外烏冬係我最愛既口感，煙煙韌韌夠晒爽口彈牙。唯一美中不足係個火唔係幾夠力，愈燒愈弱。。。另外，係燒豬肋骨，即叫即燒夠新鮮，能夠鎖住肉汁夠juicy，而且豬肋骨好入味，份量多又抵食。薯條熱辣辣，味道適中唔太咸，趣卜卜好食過某快餐店🍟最尾仲有甜品，又有雪糕又有班尼蛋糕，真係滿足晒我兩個願望。有d粟米片趣趣做點綴之餘又增加口感，底下仲有一層雜果粒，一個甜品包含幾個層次夠晒滿足。趕上尾班車後，食完都關門了。希望疫情快d完結，回復正常生活，下次能夠慢慢細味每一樣美食。