鯛魚魚湯專門店 (已結業)

魚湯，平日食的魚湯米線不少，但好味的魚湯其實好少有。今次令我驚喜的，是再次食番小時候家人煮的魚湯味，個種鮮味。只有新鮮魚，用時間，用心慢慢煮才有的味道，調味料做不出的味道。所以食完，我都把湯全部飲光光。今次去到有一期間限定，鯛魚濃湯鮮蟹烏冬。當鯛魚湯遇上蟹，鮮味真係double..可選烏冬或者湯飯，今次選了烏冬。本身睇餐牌時，老板就推介今日蟹好鮮，於是決定一試。當上餐時，蟹真是好大隻，而且好新鮮，肉質爽口，是新鮮蟹，帶有濃濃海鮮甜味。138，可以食到新鮮蟹，覺得好抵，而且配上魚湯一起食，比平日炒蟹更特別更好食。烏冬用小爐一齊上，保持烏冬溫度，保暖魚湯，令味道保持。真係好正。若然冬天飲完暖暖濃湯，一定暖笠笠。夏天飲亦一樣正。另外叫了一份雜菇炒肥牛鯛魚湯烏冬。我們加配了蟹棒，18蚊有4條。牛肉份量也好夠，炒得好香，而且有少少沙律菜。烏冬硬度亦適中，配熱熱魚湯真係好正。加左48蚊叫一份唐揚炸雞，都有好多件，作為小食就正好，而且係新鮮炸起。叫主食可以半價加配飲品，叫了杯蘋果樂園及魔幻王國，魔幻王國是薑味加藍碟花的飲品，幾得意。