影片
更多
2018-06-26
216 瀏覽
第一篇食評就決定奉獻比呢間café，哈哈。雖然唔算係非常好食，但都係可以encore嘅。星期六晚大約七點半上到去，前面有兩個人等緊位，都唔算好多人。不過剩番靠窗嘅一列檯，類似bar檯咁，望住樓下砵蘭街街景，尚可接受。至於裡面裝修就非常靚，有啲似近年大陸嘅網紅café嘅感覺。食物方面，選擇唔算好多，Pizza、意粉、小食都各有幾款咁，貴精不貴多。而最吸引嘅，其實係佢嘅潛艇包。一嚟比較特別，較少地方有；二嚟都真係好食嘅。當晚叫咗個炸軟殼蟹牛油果包（$88），包本身應該係有焗過，所以熱熱地，而且有少少鬆脆。至於炸軟殼蟹就不過不失，唔會好油。但比較失色係牛油果唔多，味道唔濃，如果可以多啲就更完美。而隨包附送嘅炸薯條係粗薯條，而且亦熱辣辣，份量亦唔少。意粉方面，叫咗藍青口辣茄皇天使麵（$78），青口就急凍貨色，正正常常咁。意粉微辣，蕃茄味亦略嫌唔夠濃郁，兩者都再濃啲會更好。甜品就叫咗蘋果煙燻配日本蜜瓜梳乎厘（$138），其實本身係衝住呢個而嚟，因為響ig見到有朋友嚟食，覺得好吸引。可能希望愈大，失望愈大啦，所以最後係覺得唔值嘅。雖然打開嗰下會釋放啲煙出嚟，視覺效果赢晒，但始終味道先係重點。梳乎厘
星期六晚大約七點半上到去，前面有兩個人等緊位，都唔算好多人。不過剩番靠窗嘅一列檯，類似bar檯咁，望住樓下砵蘭街街景，尚可接受。至於裡面裝修就非常靚，有啲似近年大陸嘅網紅café嘅感覺。
食物方面，選擇唔算好多，Pizza、意粉、小食都各有幾款咁，貴精不貴多。而最吸引嘅，其實係佢嘅潛艇包。一嚟比較特別，較少地方有；二嚟都真係好食嘅。
炸軟殼蟹牛油果包
$88
76 瀏覽
0 讚好
0 留言
當晚叫咗個炸軟殼蟹牛油果包（$88），包本身應該係有焗過，所以熱熱地，而且有少少鬆脆。至於炸軟殼蟹就不過不失，唔會好油。但比較失色係牛油果唔多，味道唔濃，如果可以多啲就更完美。而隨包附送嘅炸薯條係粗薯條，而且亦熱辣辣，份量亦唔少。
藍青口辣茄皇天使麵
$78
20 瀏覽
1 讚好
0 留言
意粉方面，叫咗藍青口辣茄皇天使麵（$78），青口就急凍貨色，正正常常咁。意粉微辣，蕃茄味亦略嫌唔夠濃郁，兩者都再濃啲會更好。
蘋果煙燻配日本蜜瓜梳乎厘
$138
25 瀏覽
1 讚好
0 留言
甜品就叫咗蘋果煙燻配日本蜜瓜梳乎厘（$138），其實本身係衝住呢個而嚟，因為響ig見到有朋友嚟食，覺得好吸引。可能希望愈大，失望愈大啦，所以最後係覺得唔值嘅。
雖然打開嗰下會釋放啲煙出嚟，視覺效果赢晒，但始終味道先係重點。梳乎厘本身幾鬆軟，亦有蛋香，煙燻嘅香味亦好強，但係碟入面嘅生果係一。啲。都。唔。甜。講緊嘅係蜜瓜、哈密瓜、火龍果、藍莓同士多啤梨，全部無一樣甜。所以如果大家真係想試，我建議試原味就ok。
草莓四季春
$42
21 瀏覽
0 讚好
0 留言
仲叫咗杯草莓四季春（$42），杯嘢飲似沙冰嘅質地（落單前店員有講過），但係無乜茶味，而草莓呢，正如上面所講，都係唔甜嘅。以$42嚟講，絕對係overpriced。（其實嘢飲普遍嚟講都偏貴，可能舖租貴啦。）
張貼
