更多
2022-06-18
723 瀏覽
麻甩專員又出發去搵漢堡食，今次入到黎大埔搵漢堡食小店位置唔算起眼，店內座位亦唔算特別多有set menu同 special set，價錢一般未到特別貴專員同朋友叫左兩個set，雙層芝士牛肉漢配薯條 / 菠蘿吉列蝦堡配薯條等餐時間大概10分鐘，即叫即製作＜雙層芝士牛肉漢配薯條＞＄８８（包冷/熱飲品）上檯第一眼見到漢堡包形唔錯，挺身夠高唔係一上檯就淋漢堡用上黑糖麵包製作，係一款比較少餐廳用黎做漢堡嘅款式（下面會解釋下點解少餐廳用黑糖麵包）漢堡內層配搭由洋蔥>芝士>牛肉>蕃茄>生菜>芝士 堆砌已成店家選用車打芝士係有原因，芝士溶化係其他配料同麵包到，可以直接帶出多d洋蔥同牛肉嘅味道出黎配料生菜真係普通生菜，呢個價錢我反而會預期係會有比較高級少少嘅生菜葉牛肉應該係店家親自手打，口感實在咬落唔鬆散味道以香料帶出為重，店家調味時應該加入左黑胡椒，香草，蕃茜，所以食落時香料味道都幾突出黑糖麵包軟硬程度還可以，未到非常軟熟，食落時有實實在在食緊麵包嘅個種飽肚感，但黑糖麵包做漢堡確實有少少奇怪至於點解比較少餐廳用呢款麵包做漢堡呢？1. 黑糖麵包必須要保持溫度係熱先
麻甩專員又出發去搵漢堡食，今次入到黎大埔搵漢堡食
小店位置唔算起眼，店內座位亦唔算特別多
有set menu同 special set，價錢一般未到特別貴
專員同朋友叫左兩個set，雙層芝士牛肉漢配薯條 / 菠蘿吉列蝦堡配薯條
等餐時間大概10分鐘，即叫即製作
雙層芝士牛肉漢堡
$88
15 瀏覽
0 讚好
0 留言
雙層芝士牛肉漢堡
$88
20 瀏覽
0 讚好
0 留言
＜雙層芝士牛肉漢配薯條＞＄８８（包冷/熱飲品）
上檯第一眼見到漢堡包形唔錯，挺身夠高唔係一上檯就淋
漢堡用上黑糖麵包製作，係一款比較少餐廳用黎做漢堡嘅款式（下面會解釋下點解少餐廳用黑糖麵包）
漢堡內層配搭由洋蔥>芝士>牛肉>蕃茄>生菜>芝士 堆砌已成
店家選用車打芝士係有原因，芝士溶化係其他配料同麵包到，可以直接帶出多d洋蔥同牛肉嘅味道出黎
配料生菜真係普通生菜，呢個價錢我反而會預期係會有比較高級少少嘅生菜葉
牛肉應該係店家親自手打，口感實在咬落唔鬆散
味道以香料帶出為重，店家調味時應該加入左黑胡椒，香草，蕃茜，所以食落時香料味道都幾突出
黑糖麵包軟硬程度還可以，未到非常軟熟，食落時有實實在在食緊麵包嘅個種飽肚感，但黑糖麵包做漢堡確實有少少奇怪
至於點解比較少餐廳用呢款麵包做漢堡呢？
1. 黑糖麵包必須要保持溫度係熱先會做到有口感好軟熟嘅口感，否則放凍嘅時侯就會開始變硬，除非做包時泡打粉放得特別多
2. 黑糖麵包食落比較甜香，唔似普通漢堡包係咸包，但配搭漢堡的話會比較奇怪。
主要原因配料大多數都係咸味濃味，如果一啖咬晒成個漢堡，味道上就會感覺一部份甜一部份又咸
不過欣賞餐廳有勇氣嘅嘗試，因為外間太多特色嘅漢堡包店都唔敢咁樣做
菠蘿吉列蝦堡
$86
15 瀏覽
0 讚好
0 留言
＜菠蘿吉列蝦堡＞＄８６（包冷/熱飲品）
專員朋友表示：
菠蘿直接燒過表面，直接將菠蘿將酸甜味帶出黎
炸蝦堡厚實，表面麵包糠炸得夠脆口，但可惜嘅係漢堡包內無醬汁
炸蝦堡如果配上沙律醬/千島醬相信會更好味，否則食落口太乾
15 瀏覽
0 讚好
0 留言
薯條份量多，溫度夠熱，但略嫌炸得唔夠脆口..
如果食完漢堡再食薯條會飽到上心口
＊總結改善地方：
1. 黑糖麵包可以考慮轉用返普通軟熟嘅包款
2. 如果包款唔轉，漢堡內建議加少少醬汁會令個漢包有多d特色之餘，可以有返少少濕潤感口感之餘唔會咁實淨
3. 生菜希望改用返高級少少嘅生菜葉，上檯時見到都會覺得好食d
＊麻甩專員評分區＊
店內環境: 7/10
食物外觀: 9/10
食物味道: 7/10
整體分數: 7/10
翻食指數: 7/10
希望餐廳會持續改善及進步，期待下次再過黎嘅時侯見到有多d特別野再推出
張貼
