心之食堂 (裝修中)

原條鰻魚石鍋飯石鍋有效保持溫度，而且能烤出飯焦，香脆可口，原條鰻魚望落好巨型，甘甜嘅鰻魚汁送飯一流。心之魚生飯好有心思將魚生飯砌成心型，魚生種類豐富有三文魚、油甘魚、甜蝦等，中間仲有一層蟹籽，十分驚喜。燒生蠔（芝士/蒜香）半打生蠔可以揀味道一半一半，芝士味香濃軟滑，蒜香味則帶有少少甜都幾特別。邪惡包用生菜同紫菜包裹住大粒又鮮甜嘅北海道帶子，仲有甘香肥美嘅燒鵝肝，真係夠曬邪惡！心之火焰鐵板牛柳上枱後店員會淋上火焰效果，十分精彩一定要預備定手機，牛柳嫩滑又juicy，配菜仲有燒菠蘿，酸甜開胃。鹽燒三文魚皮三文魚皮燒得十分香脆，而且仲帶有一層薄薄嘅三文魚肉，口感更加有層次。