影片
更多
2019-11-13
167 瀏覽
旺角區總是晚餐的好去處，餐廳多選擇，餐後又可以去行吓街。有一次經過朗豪坊旁邊的朗晴坊，原來有好多餐廳，就諗起今次可以去試一試啦！Search過Openrice見8樓嘅Lockeroom一間西餐廳幾好評，就一於試試，今次一行兩人！入到去，原來係好有足球主題嘅餐廳！7點幾去到都已經差不多滿座，整個裝修都好切合主題，連通道嘅地下都有足球嘅草地感覺，而牆身都有好多好多足球衫，簽名相，足球閃卡嘅珍藏。連員工都係著係足球衫，好有趣！我地就嗌咗兩個餐，包湯同蒜蓉法包，仲有沙律同飲品！仲嗌多兩個甜品，當晚跟餐叫甜品係有65折咖。所以忍唔住嗌埋😆首先上菜嘅係沙律，沙律用個球玻璃樽裝住，另外有一碟黑醋自行添加，沙律仲有啲爆爆珠，口感好特別，珠嘅甜味仲可以平衡返沙律嘅酸。我想講，沙律菜完全無苦味！好新鮮。隨後就係上餐湯！本身諗住餐湯係會好普通嘅白湯或羅宋湯，佢當晚嘅餐湯係超濃郁的蕃茄湯！食得出係真材實料同埋用咗好多好多蕃茄。配埋個蒜香包真係好好食，個包唔係隨意做咖，係好軟熟，而且係好香蒜味，牛油溶晒喺面，好正！我地仲嗌咗個黑松露薯角！我最鐘意黑松露嘅味道，佢嘅薯角就真係可以每一條都被黑松露包圍住！食唔停口，
餐廳多選擇，餐後又可以去行吓街。
有一次經過朗豪坊旁邊的朗晴坊，
原來有好多餐廳，
就諗起今次可以去試一試啦！
Search過Openrice
見8樓嘅Lockeroom一間西餐廳幾好評，
就一於試試，今次一行兩人！
入到去，原來係好有足球主題嘅餐廳！
7點幾去到都已經差不多滿座，
整個裝修都好切合主題，
連通道嘅地下都有足球嘅草地感覺，
而牆身都有好多好多足球衫，
簽名相，足球閃卡嘅珍藏。
連員工都係著係足球衫，好有趣！
我地就嗌咗兩個餐，
包湯同蒜蓉法包，仲有沙律同飲品！
仲嗌多兩個甜品，
當晚跟餐叫甜品係有65折咖。
所以忍唔住嗌埋😆
首先上菜嘅係沙律，
沙律用個球玻璃樽裝住，
另外有一碟黑醋自行添加，
沙律仲有啲爆爆珠，口感好特別，
珠嘅甜味仲可以平衡返沙律嘅酸。
我想講，沙律菜完全無苦味！好新鮮。
隨後就係上餐湯！
本身諗住餐湯係會好普通嘅白湯或羅宋湯，
佢當晚嘅餐湯係超濃郁的蕃茄湯！
食得出係真材實料同埋用咗好多好多蕃茄。
配埋個蒜香包真係好好食，
個包唔係隨意做咖，係好軟熟，
而且係好香蒜味，牛油溶晒喺面，好正！
我地仲嗌咗個黑松露薯角！
我最鐘意黑松露嘅味道，
佢嘅薯角就真係可以每一條都被黑松露包圍住！
食唔停口，但要等一等個主菜先。
之後上嘅就係羊架配烤腸啦！
羊架好厚身，脂肪同肉比例好好。
切落去好軟熟，又唔鞋口，
羊味不會過濃，
鐘意食羊嘅我都覺得非常岩岩好！
烤腸就正常，旁邊有啲蕃薯蓉，
好特別，亦好少餐廳有咁做，
覺得好別出心裁。
之後係我覺得煮得好出色嘅意粉！
卡邦尼溫泉蛋意粉成日見，
本身無咩期待，但係一食，
個汁嘅濃厚度好正，
每一條意粉都吸晒啲汁，陣陣牛奶香，
仲配埋溫泉真係一啖一啖係咁食，
真係必點啊！比預期好！好有驚喜。
到甜品登場啦！！！
叫咗我最鐘意嘅心太軟，
餐廳講明係朱古力三重奏！
我最鐘意食朱古力咖😋
上碟時有一小瓶cream俾我地自己倒，
倒上朱古力片上，啲朱古力就慢慢溶！
切開後，入面啲朱古力都流出嚟😱
好正啊… 好濃郁嘅朱古力，
仲配埋旁邊嘅小水果，又平衡返無咁甜。
真係好推介！！！
另外叫咗個焦糖燉蛋，
都唔錯！焦糖面係脆卜卜咖！
如果再大份量啲就好啦，唔夠喉😆好食！
總括嚟講，講真，
以一間非連鎖嘅小店嚟講，
呢間餐廳係俾到我好用心做的感覺！
無一個地方係馬虎咖，
食物好有誠意，價錢又好合理，
因為每個主菜都送埋沙律，湯，包，飲品，
真係好滿足咖。
好喜歡的一間餐廳，大大推介！
卡邦尼意大利麵配溫泉蛋
$118
16 瀏覽
0 讚好
0 留言
香烤澳洲羊架配德國腸
$188
12 瀏覽
0 讚好
0 留言
14 瀏覽
0 讚好
0 留言
朱古力三重奏心太軟
$68
24 瀏覽
0 讚好
0 留言
法式焦糖燉蛋
$58
14 瀏覽
0 讚好
0 留言
熱紅棗水
27 瀏覽
0 讚好
0 留言
張貼
