Give Me 5 (已結業)

在附近工作的朋友約食飯，時間足夠邊食邊聊天聚會，半自助餐主食任點，我跟朋友點了德國咸豬手，澳洲T骨羊，紐西蘭龍脷魚。另外可以出去夾自己想食嘅海鮮即夾即燒，非常新鮮，有多種口味選擇。有貴妃蚌，鮑魚，海蝦，海蜆。另外冰鮮的有蟹，扇貝，花螺，蠔，今日冇琵琶蝦，但其他海鮮都非常好味，煮法有泰式、蒜蓉牛油、椒鹽、豉椒炒等等，全部都好夾海鮮，重口味。冷盤都有海鮮，藍青口，蟹仔，蝦，翡翠螺。熱湯、沙律、熱食、刺身、甜品、雪糕、凍飲，應有盡有，雖然選擇不算很多，但貴精不貴多，好味的質素更要緊。座位都挺闊落，侍應們都很友善，收拾碟盤和refill食物都快手。係地方有點偏，方便在觀塘下班的朋友來聚會，哈哈。