只 (已結業)

第一次book呢間cafe....我地4個人book左2:30，一去到就即刻入得，睇完menu, 我地叫左4個主食，2個小食同4杯飲品，首先食物好快就可以送到，因為當日係星期六下午，都坐滿成間cafe, 佢都可以咁快送到d食物，熱辣辣既煎帶子意大利飯真係好好味，原隻帶子好鮮甜，味道很濃，送上來還是熱騰騰的，然後他們推介我飲一杯玫瑰草莓梳打，味道不太甜，但有新鮮草莓醬係入面，所以清清地都幾好飲，之後個水牛雞翼真係正，香草味很濃，配上醬汁更好，比一般cafe的水準高、食完仲想叫多碟，仲有個野菌黑松露闊條麵很足料，黑松露很濃，很多汁的意粉份量又足，吞拿魚煙肉長通粉也是越很多吞拿魚的，味道不錯，長通粉不太霖。埋單都係每人120-130，好抵食，好味又坐得舒服，我地都坐左成個下晝，好正！