影片
更多
2023-09-17
2018 瀏覽
去日本旅行前幫媽媽慶生，仲食日本菜。話說，經OpenRice 訂座備註寫上生日飯，古今無蛋糕或甜品之類，所以無為意。點知師傅會大碟上壽司，用燒汁寫上「生日快樂」加個心心，好貼心啊！真心有驚喜。另外都想讚下職員服務態度好、有禮貌，主動幫助客人，加分。唯一缺點係餐面太細，座位感覺麻麻。古今出名精緻打卡壽司，原來味道同份量都睇得食得。食物方面 – 粉紅佳人︰滿滿魚子、一堆吞拿魚蓉蓋頂，輕微辣度夠香口、再灑上碎薄脆增加口感。大件壽司豐富到一啖咬唔晒，味道好夾，係所有壽司當中最鍾意一款，性價比好高啊！午夜牛郎︰特別之處係炸卷，唔會好乾身，外面輕輕脆口，味道亦係平穩普通之作。彩虹卷︰以三種唔同刺身 包括︰三文魚、吞拿魚及 (帶子? 忘記白色係咩) 包頂做成色彩繽紛。中間只有牛油果加蟹柳，普通，無乜特別。加州卷(左)︰小朋友口味，都係普通款。蟹子相對地爆多，基本上灑滿3分1隻碟。超級龍卷風(右)︰兩條大炸蝦天㷌羅，入口啖啖肉，加上鰻魚油脂重，一軟一脆口感有層次。倫敦橋︰一層厚身海膽舖滿卷面，色澤新鮮，份量亦無欺場。鹽燒鯖魚︰魚肉油脂平衡，香口惹味，薄魚皮烤得脆身。可惜鹽量太多，成條魚變得相當咸。炸芝
話說，經OpenRice 訂座備註寫上生日飯，古今無蛋糕或甜品之類，所以無為意。點知師傅會大碟上壽司，用燒汁寫上「生日快樂」加個心心，好貼心啊！真心有驚喜。另外都想讚下職員服務態度好、有禮貌，主動幫助客人，加分。唯一缺點係餐面太細，座位感覺麻麻。
古今出名精緻打卡壽司，原來味道同份量都睇得食得。
食物方面 – 粉紅佳人︰
滿滿魚子、一堆吞拿魚蓉蓋頂，輕微辣度夠香口、再灑上碎薄脆增加口感。
大件壽司豐富到一啖咬唔晒，味道好夾，係所有壽司當中最鍾意一款，性價比好高啊！
粉紅佳人
36 瀏覽
0 讚好
0 留言
午夜牛郎︰
特別之處係炸卷，唔會好乾身，外面輕輕脆口，味道亦係平穩普通之作。
午夜牛郎
27 瀏覽
0 讚好
0 留言
彩虹卷︰
以三種唔同刺身 包括︰三文魚、吞拿魚及 (帶子? 忘記白色係咩) 包頂做成色彩繽紛。
中間只有牛油果加蟹柳，普通，無乜特別。
彩虹卷
27 瀏覽
0 讚好
0 留言
加州卷(左)︰
小朋友口味，都係普通款。蟹子相對地爆多，基本上灑滿3分1隻碟。
超級龍卷風(右)︰
兩條大炸蝦天㷌羅，入口啖啖肉，加上鰻魚油脂重，一軟一脆口感有層次。
加州卷、超級龍卷風
25 瀏覽
0 讚好
0 留言
倫敦橋︰
一層厚身海膽舖滿卷面，色澤新鮮，份量亦無欺場。
倫敦橋
15 瀏覽
0 讚好
0 留言
鹽燒鯖魚︰
魚肉油脂平衡，香口惹味，薄魚皮烤得脆身。
可惜鹽量太多，成條魚變得相當咸。
鹽燒鯖魚
11 瀏覽
0 讚好
0 留言
炸芝士年糕︰
外脆中間軟糯，年糕皮包住芝士夾心，溶化芝士令炸物唔會乾身。
芝士咸度適中，整體味道非常好，追加食物之一！
炸芝士年糕
7 瀏覽
0 讚好
0 留言
總結︰
性價比中級，有部份卷物份量、味道、刺身配搭的確有驚喜。但有一半都只屬普通質素，未算突出。
如果想試特色口味，我諗要揀用料豐富嘅卷物先可以有新鮮感。
張貼
