影片
更多
2023-12-22
916 瀏覽
尋晚晚餐同埋今日午餐夾埋一篇嚟打：尋晚個意粉幾好味。唔會好水，幾creamy, 夠熱，份量都算多，但d蝦唔係好新鮮，口感差d。尋晚塊西冷叫5成，但明顯熟得濟，變左起碼7成，有d韌，都幾大塊。今日午市呢塊就真係似5成喇。但啲薯蓉放咗喺旁邊，比起尋晚喺塊扒下面全部都係薯蓉黎講，個份量好似少啲。裝飾唔係用蕃茜碎，而係用菜苗，好清甜，話係每日新鮮既。但今日午市無俾我，（偷影咗隔離嗰份，佢果份係有嘅）尋晚塊扒上菜時唔係好夠熱，我估係因為佢等埋個意粉一次過上晒？（我無要求一齊上）同埋可能係凍碟上，薯蓉同菜都唔夠熱，但味道正常，可惜份量唔夠成年男人食。晚餐有餐湯同包。包夠熱，牛油一粒剛好，包有辣椒，微辣。忌廉湯正常。熱咖啡好香，推介👍午市嘅話，同一個西冷扒餐，比起晚餐平廿蚊，但係就唔包餐湯同包，要另加12蚊先有。尋晚嘅忌廉湯好飲過今日嘅洋蔥湯好多，我完全唔識欣賞。用匯豐信用卡埋單，無論午餐定晚餐，套餐嘅價錢會有九折（但唔計其他 extra,所以蛋糕同埋午市嘅湯都冇得折）全日冇加一，但午餐食近乎一樣既野既話，其實只係平左$6蚊而無左塊包。詳細請睇圖果2張單，晚市（意粉+湯+包+熱飲+甜品）：（$128
17 瀏覽
0 讚好
0 留言
尋晚個意粉幾好味。唔會好水，幾creamy, 夠熱，份量都算多，但d蝦唔係好新鮮，口感差d。
尋晚塊西冷叫5成，但明顯熟得濟，變左起碼7成，有d韌，都幾大塊。
18 瀏覽
1 讚好
0 留言
16 瀏覽
0 讚好
0 留言
11 瀏覽
0 讚好
0 留言
今日午市呢塊就真係似5成喇。但啲薯蓉放咗喺旁邊，比起尋晚喺塊扒下面全部都係薯蓉黎講，個份量好似少啲。
22 瀏覽
0 讚好
0 留言
裝飾唔係用蕃茜碎，而係用菜苗，好清甜，話係每日新鮮既。但今日午市無俾我，（偷影咗隔離嗰份，佢果份係有嘅）
尋晚塊扒上菜時唔係好夠熱，我估係因為佢等埋個意粉一次過上晒？（我無要求一齊上）同埋可能係凍碟上，薯蓉同菜都唔夠熱，但味道正常，可惜份量唔夠成年男人食。
晚餐有餐湯同包。包夠熱，牛油一粒剛好，包有辣椒，微辣。
忌廉湯正常。
熱咖啡好香，推介👍
午市嘅話，同一個西冷扒餐，比起晚餐平廿蚊，但係就唔包餐湯同包，要另加12蚊先有。
尋晚嘅忌廉湯好飲過今日嘅洋蔥湯好多，我完全唔識欣賞。
用匯豐信用卡埋單，無論午餐定晚餐，套餐嘅價錢會有九折（但唔計其他 extra,所以蛋糕同埋午市嘅湯都冇得折）全日冇加一，但午餐食近乎一樣既野既話，其實只係平左$6蚊而無左塊包。
詳細請睇圖果2張單，
晚市
（意粉+湯+包+熱飲+甜品）：（$128*0.9）+22=$137
（西冷+湯+包+熱飲+甜品）：（$138*0.9）+22=$146
午市
（西冷+湯+熱飲+甜品）：（$118*0.9）+12+22=$140
重點嚟喇，其實我係畀佢門外嘅甜品櫃吸引咗，先有意思嚟幫襯嘅。
問咗佢哋員工，甜品係來貨既,但係我覺得好靚亦好味。
芒果cheese cake: 個面有少許（+1粒完整）開心果碎，但有d怪味（疑似油“益“味），某部份位置芒果啫喱都有怪味，但下面幾層都好好味。
特濃朱古力：好厚實，好濃郁，微苦好好味。
焦糖伯爵茶：都有開心果碎喺面，無怪味。好香茶味，無被焦糖味蓋住，口感都係厚實，好味。
服務質素有好有壞。
佢肯講既話好清晰，但好多時係乜都唔講。
會自動幫你斟凍水，要飲熱水既一定要自己開聲同佢講話唔該加熱水。
晚市嗰陣我，我朋友畀我快食完正餐，喺嗰陣我先叫餐飲同埋甜品，雖然出面仲有好多件，但我都嗌佢幫我hold起先，甜品陣間叫先上。而當我剛食完正餐，可能個女侍應見到我週圍望，知道我想上甜品，就自動幫我上咗，抵讚。👍
晚市我book咗六點，嗰陣完全未有客，有卡位坐（3張，因為有柱位，所以分別係4，6，5人。但其實冬天著厚衫，1邊坐要3個人，睇到都覺得迫）
但今日午市2點半，明明大把位，我示意1位，同指住張4人卡位想坐落去，佢叫我坐對面普通位唔係問題，但點解要黐住另外1枱客（一對夫婦）右邊，而唔隔1張枱呢? 不過之後另一個一個女仔walk in坐喺我右邊，本身喺度既2枱客埋單，導致有段短時間就係得返我哋三台，但黐住，其他係吉既，少尷。卡位留空晒，但之後佢只係入左一枱walk in 去4人卡位，同一枱五人booking去6人卡位，覺得可以安排得好d。
加分位：無論意粉上面定係要求加都好，芝士嘅話佢唔係畀芝士粉而係磨芝士碎片，香濃好味👍
張貼
