Mamaday (已結業)

甜品比主菜吸引。沙律意粉始終難有驚喜。意粉煮得啱啱好。口感不錯。雞翼更惹味。肉質都唔錯。會再食重點係窩夫！本人一向都對窩夫無乜大興趣唔中意咁大件又唔覺得雪糕好夾今次哩個唔會太厚亦唔會太硬口感幾好。加埋個醬同焦糖脆再加蛋糕都唔會過甜！(當然焦糖脆唔可以一次食咁大舊。細細塊整上個格仔度一齊食就好好)雪糕應該係海鹽味。質感唔錯幾creamy但味道唔會太奶。dressing唔知係咩醬。食落有cremebrulee或者布丁嘅感覺。好食。！淨係為左窩夫都會再去食不過選擇少D。得3種。同埋飲品都有類似嘅味。希望有機會研發多一兩款會開心D另一主角係心太軟。熱辣辣其實佢朱古力味濃。個皮都唔錯。只係個雪糕竟然係豆腐味。清新係幾清新。但味道上就爭咁D。同埋質感唔似奶底雪糕。唔漏但亦無咁好食。不過心太軟本身就得嘅無記錯只係48咋絕對抵食另外炸魷魚圈都ok嘅。之前食過無影相。真係食過貴都唔好食嘅。相比起哩度嘅真係唔差。服務都唔錯。繁忙時候上菜要等但都好有交代。有禮貌。記得訂位。walkin真係好多時要等人食大半餐飯。小店加油。香港加油。