琉金穗月

營業中

休息中

前幾日係尼間cafe食lunch，入到黎服務員照顧周到，俾我選擇自己想坐嘅位置，位置我大致上都分左三個位，一個位係比較安靜，適合自己做下功課溫下書聽下歌嘅地方，而第二個位係廚房對出嘅座位，適合啲想聽歌又唔想塞住耳仔自己聽歌嘅朋友仔，而第三個座位就係室外嘅位置，可以望下周圍環境，彷彿置身於鄉郊，雖然睇唔到咩靚嘅風景，但係cafe係近住宅區，相對上係安靜無咁污染，所以坐出面同樣地可以吸收一下大自然嘅空氣。不能不說服務員嘅代客態度非常好👍，入到黎都會同返每位客人講返紙袋係用黎裝口罩嘅，雖然大部分人都知道紙袋嘅用途，但係有服務員咁盡責咁同返每一位客人講其實唔係咁容易做到，最緊要係每日都講N咁多次，但係佢地都無表現出一種毫無可奈何嘅樣子，同埋會同每一位客人講返邊啲食物加多左啲咩材料，等到客人都可以清楚理解。而食物同飲品方面都係好飲好食無得彈，所以我會keep住幫襯以及介紹俾多啲朋友知道。