Plato Cafe & Bistro (彌敦道) (已結業)

我哋點咗五個晚餐，埋單八百幾。食物都算好味，頭盤嘅羅宋湯足料好味，但係 份量比較少，蒜蓉包好細塊好硬，唔好味！加18蚊餐湯可以轉龍蝦湯，但係我哋冇轉，下次會試。「黑松露牛面頰肉燴意大利飯」好味，「黑松露雜菌意大利飯」都好好味，份量適中，唔算太少。「芝士牛肉漢堡配薯條沙律」沙律係得好少份量，薯條就幾多，個漢堡ok。「卡邦尼煙肉意大利粉」就ok好味，唔係特別出色。餐飲包咗一杯34蚊嘅飲品，但係其實34蚊嘅飲品選擇係得好少，基本上都係要加錢。我哋每人加咗12蚊飲凍朱古力/黑牛，幾好味。另外加咗38蚊要個雪糕心太軟，本身正價係48蚊，都好好味。整體上野食係好味，但價錢略貴。