影片
更多
2023-01-17
1141 瀏覽
環境：我地兩個人餐廳安排左入面梳化位比我地😊 空間都幾大，食得幾舒服，加上嗰位置比較靜，好適合情侶過黎食👍🏿食物質素：👉🏿原味鮮肉小籠包評分：9/10小籠包皮薄多汁，咬落後非常Juicy😽 餡料都好滑嘟嘟，十分推薦比大家😍👉🏿蜜汁頂級西班牙黑毛豬叉燒評分：10/10呢款叉燒要預先訂先有得食😊 價錢不菲，但係因為好多人推介，我地抱住一試既心態去食🤣一咬落後簡直驚為天人，肉質軟嫩又因為厚切唔會無左叉燒既咬口。半肥瘦部位掌握得好好，脂肪位同瘦肉一齊咬時非常正，呈現到肥瘦達到最適合位置既感覺😍 醬汁係正常蜜汁既味道，我好奇如果外皮可以燒到脆脆地會唔會更加正🤣但係所有嘢加埋一齊就啱啱好👍🏿 雖然睇落好似得幾舊，但係因為厚切既關係，其實份量我都覺得足夠，3-4人食都夠食😊 👉🏿42天飼養北京片皮鴨評分：8/10片皮鴨都需要預先訂，我地早兩個禮拜book已經book唔到星期六日食🥲 所以想食既朋友記得早d book喇～師傅分左三部份比我地，一開始黎比左一碟鴨皮我地沾住砂糖食😊 鴨皮非常酥脆，入口即溶，口腔內圍繞住鴨香既味道👍🏿之後就比左鴨胸連皮同鴨髀連皮既位置，兩樣味道都唔錯，我十分欣賞係即叫即整，
我地兩個人餐廳安排左入面梳化位比我地😊 空間都幾大，食得幾舒服，加上嗰位置比較靜，好適合情侶過黎食👍🏿
食物質素：
👉🏿原味鮮肉小籠包
評分：9/10
原味鮮肉小籠包
33 瀏覽
0 讚好
0 留言
小籠包皮薄多汁，咬落後非常Juicy😽 餡料都好滑嘟嘟，十分推薦比大家😍
👉🏿蜜汁頂級西班牙黑毛豬叉燒
評分：10/10
蜜汁頂級西班牙黑毛豬叉燒
$350
58 瀏覽
0 讚好
0 留言
呢款叉燒要預先訂先有得食😊 價錢不菲，但係因為好多人推介，我地抱住一試既心態去食🤣
一咬落後簡直驚為天人，肉質軟嫩又因為厚切唔會無左叉燒既咬口。半肥瘦部位掌握得好好，脂肪位同瘦肉一齊咬時非常正，呈現到肥瘦達到最適合位置既感覺😍 醬汁係正常蜜汁既味道，我好奇如果外皮可以燒到脆脆地會唔會更加正🤣但係所有嘢加埋一齊就啱啱好👍🏿 雖然睇落好似得幾舊，但係因為厚切既關係，其實份量我都覺得足夠，3-4人食都夠食😊
👉🏿42天飼養北京片皮鴨
評分：8/10
42天飼養北京片皮鴨
46 瀏覽
0 讚好
0 留言
片皮鴨都需要預先訂，我地早兩個禮拜book已經book唔到星期六日食🥲 所以想食既朋友記得早d book喇～
師傅分左三部份比我地，一開始黎比左一碟鴨皮我地沾住砂糖食😊 鴨皮非常酥脆，入口即溶，口腔內圍繞住鴨香既味道👍🏿
之後就比左鴨胸連皮同鴨髀連皮既位置，兩樣味道都唔錯，我十分欣賞係即叫即整，所以上菜時都仲係熱👍🏿 餅皮比左兩籠我地，份量十足😊 仲有一個發熱包keep住餅皮既溫度，非常貼心👍🏿 只係可能因為餅皮蒸得耐左，個邊邊位有少少硬，少少影響左個口感🤔 隻鴨我認為偏瘦dd，如果肥d再好食d😋 醬汁有提供青瓜條，京蔥，砂糖同特製既醬汁（含有花生醬）。總括黎講我覺得嗰片皮鴨味道中上，但係價錢偏貴，味道好食但係未至於驚為天人，可能間中食就ok😊
我地另外再用$160加左嗰鴨鬆炒飯，本身無特別期待，但係味道就十分驚喜😍
鴨鬆炒飯
45 瀏覽
0 讚好
0 留言
嗰炒飯一黎到就好香，色澤鮮明。一咬就不得了，嗰飯炒到粒粒分明，佈滿住鴨油香既味道，中間仲有d脆脆地鴨皮係度，成個飯好有層次😋❤️❤️真係非常推介大家加$160食👍🏿
服務💕
服務貼心，就算坐係入面都唔會驚搵唔到人🤣上片皮鴨時都好認真介紹👍🏿
推介指數：
9/10✨
食物好食有驚喜，環境同服務一流，但價錢偏貴，特別日子慶祝係一個唔錯既選擇😊
42天飼養北京片皮鴨
$750
55 瀏覽
0 讚好
0 留言
42天飼養北京片皮鴨
60 瀏覽
0 讚好
0 留言
張貼
