影片
更多
2021-12-07
2030 瀏覽
今日慶祝我同太太結婚26周年紀念，以往都係西餐為主，今年兩個仔特意揀咗我哋都喜歡食嘅川滬菜，一入到去地方環境已經好舒服，大窗亦可望上半山，未食已經好滿意😊我哋首先點咗兩個前菜「手切跳神肉」、「一口燻魚」及一個「酸辣湯」，「手切跳神肉」其實就係粉皮白肉再加上蔥粒醬油伴食，類似蒜泥白肉菜式，味道可以嘅但唔算好有驚喜。而另一個「一口燻魚」就真係好有驚喜，一食落去係有「嘩」一聲嘅反應，個燻魚好有魚味，醋味好香，表面一層薄薄粉醬炸到好鬆脆，大家都忍唔住一件食完就再接下一件，唔係誇張真係好食到不得了👍至於「酸辣湯」算係不過不失，味道正常料子亦算多，合格嘅👌前菜食完飲啖人蔘烏龍茶後，就開始到主菜出場，首先係「泉水蝦球」，呢個餸係今晚第二個驚喜，用嚟浸熟蝦球嘅高湯好有青花椒香味，蝦球好大隻又彈牙，配埋萵筍一齊食好有味道，不誇張，啲泉水幾乎俾我地飲哂😂下一個係「金絲和田玉」，呢個菜本身就係好靚，冬瓜粒好似一粒粒波子咁挖出黎，再用有瑤柱絲嘅高湯浸熟，廚師將冬瓜皮雕成樹葉伴碟，非常精緻，當然唔係只係得個樣，冬瓜粒味道非常入味，好好食😋跟住落嚟嘅「香酥鴨」真係一浪接一浪，睇圖片唔使我多講，都知係幾咁鬆脆，其實
我哋首先點咗兩個前菜「手切跳神肉」、「一口燻魚」及一個「酸辣湯」，「手切跳神肉」其實就係粉皮白肉再加上蔥粒醬油伴食，類似蒜泥白肉菜式，味道可以嘅但唔算好有驚喜。
手切跳神肉
$95
76 瀏覽
0 讚好
0 留言
而另一個「一口燻魚」就真係好有驚喜，一食落去係有「嘩」一聲嘅反應，個燻魚好有魚味，醋味好香，表面一層薄薄粉醬炸到好鬆脆，大家都忍唔住一件食完就再接下一件，唔係誇張真係好食到不得了👍
一口燻魚
$115
65 瀏覽
0 讚好
0 留言
至於「酸辣湯」算係不過不失，味道正常料子亦算多，合格嘅👌
酸辣湯
$90
51 瀏覽
0 讚好
0 留言
前菜食完飲啖人蔘烏龍茶後，就開始到主菜出場，首先係「泉水蝦球」，呢個餸係今晚第二個驚喜，用嚟浸熟蝦球嘅高湯好有青花椒香味，蝦球好大隻又彈牙，配埋萵筍一齊食好有味道，不誇張，啲泉水幾乎俾我地飲哂😂
泉水蝦球
$225
54 瀏覽
0 讚好
0 留言
下一個係「金絲和田玉」，呢個菜本身就係好靚，冬瓜粒好似一粒粒波子咁挖出黎，再用有瑤柱絲嘅高湯浸熟，廚師將冬瓜皮雕成樹葉伴碟，非常精緻，當然唔係只係得個樣，冬瓜粒味道非常入味，好好食😋
金絲和田玉 (半份)
$95
48 瀏覽
0 讚好
0 留言
跟住落嚟嘅「香酥鴨」真係一浪接一浪，睇圖片唔使我多講，都知係幾咁鬆脆，其實做呢類炸嘅食品，個皮係好仲要，如果係厚厚一層粉去炸，一定唔會好食。講番呢個菜，除咗皮薄鬆脆外，鴨肉嫩而鮮味，又係好食😋
香酥鴨
$185
45 瀏覽
0 讚好
0 留言
喜歡食川菜嘅都會食「辣子雞」，我哋當然唔例外，一般川菜館嘅辣子雞都係細細粒，但係1935嘅辣子雞係大件啲，而且炸嘅方法好似炸魷魚鬚啲皮咁做，本身雞件係冇骨容易食啲，呢種改良做法都可以接受，如果再辣啲我會更鍾意😂
辣子雞
$195
47 瀏覽
0 讚好
0 留言
最後我哋再加多一碗「四川擔擔麵」，好彩有四個人，每人分少少都唔會太飽，非常好味，湯底辣味適中，個人人幾喜歡，大家食完都覺得好滿中😋
四川擔擔麵
$85
51 瀏覽
0 讚好
0 留言
食到呢度大家都差唔多，不過忍唔住再叫多三款甜品試吓，包括「花雕話梅雪糕」、「抹茶豆沙鍋餅」及「香煎南瓜餅」。
個雪糕唔使講相信好多人都未試過，話梅味香濃，食落去似雪巴多啲，好特別好味嘅😅
花雕話梅雪糕
$55
50 瀏覽
0 讚好
0 留言
豆沙鍋餅一向都係我嘅喜愛，而呢個「抹茶豆沙鍋餅」顧名思義個脆皮係加入抹茶去做，而且炸得非常鬆脆，又唔會食到成口油，而抹茶味加埋紅豆味非常恰當，超贊👍 ；另外個「香煎南瓜餅」亦都非常出色，外邊個薄皮衣然好鬆脆，裏面南瓜蓉亦好香👍👍
香煎南瓜餅➕抹茶豆沙鍋餅
$130
40 瀏覽
0 讚好
0 留言
呢餐飯整體非常滿意，特別係個用餐環境加分不少，當然食物質素亦好唔錯，係同家人或朋友聚會嘅好地方😄
張貼
