Pom's Kitchen & Deli (已搬遷) 新店位置

下午茶時間來到，得幾台客。叫咗一個午餐，餐湯係南瓜湯，但係飲落有薑味，而且有好細嘅薑粒，口感係幾豐富，不過完全冇南瓜味。主菜落單3分鐘就上枱，好有效率。牛扒完全冇落鬆肉粉，正常牛扒質素，小小硬，肉味普通，一兩舊咬唔到要吐出，冇乜肥膏。菜算新鮮，份量比較少，配埋沙律汁甜甜地幾好食。焗薯真係有焗，皮同肉會分開，口感可以。熱檸水正常質素，普通水第一杯係暖嘅，加分！第二杯開始就常溫。職員禮貌和態度都好好，服務一流。