阿元來了 (鴻圖道)

營業中

休息中

呢排嘅人氣台灣美食店一定非阿元來了莫屬！因為我地足足排左一個鐘先有得食!不過就算等耐D都值得嘅，因為佢嘅裝飾佈置都好靚，有暖暖車站、夜市檔攤同埋個大戲院，加上播住D台灣歌，真係令人一解對台灣嘅思念。係排隊嘅時候，侍應已送上點餐紙，等我地等緊嘅時候可以消磨下時間。排左60分鐘終於到我地，等左咁耐，我地緊係叫多D啦。鹽酥雞嘅份量偏少，不過都好香，表皮好脆，雞肉嫩滑多汁，唔錯！綜合甜不辣是友人叫的，真係有好多款，好抵食，而且味道也跟在台灣吃的差不多，不過D汁嘅酸甜味無咁重。炸花枝丸食落唔油膩，入面嘅花枝丸好彈牙，表面已有鹽調味，但不會過鹹。因為我好中意食菇，所以叫左個香菇羮湯飯，其實都唔可以叫湯飯，因為D羮好杰，似燴飯多D。不過味道好唔錯，酸酸地好開胃，除左香菇，入面仲有大大粒花枝丸，食起黎口感豐富。最後當然要食我最中意嘅芋圓，不過唔知係咪加左百合，個糖水微苦，雖然芋圓煙韌，但對嗜甜的我來說總是差了一點點。總括黎講，個環境同氣氛一流，而且食物價錢唔算貴，如果唔怕等嘅可以一試。