影片
更多
2019-05-11
3402 瀏覽
餐廳：大喜屋日本料理 (尖沙咀)地址：尖沙咀彌敦道74-78號文遜大厦5樓正值考試期間，除左大吃大喝之外我諗唔到有咩方法可以令我減壓，所以我就決定中午去食餐好嘅，以解決我壓力大嘅問題😎相信好多人都會同我一樣，除咗瞓覺之外，食嘢就係一種減壓嘅享受，所以我覺得中午食放題都係得嘅！出到人來人往嘅尖沙咀，成日經過尖沙咀地鐵站附近嘅彌敦道都會見到大喜屋日本料理放題，今日終於如我所願可以食到喇😋午市食仲要平啲添睇來我真係好耐無去食放題喇，原來大喜屋嘅放題依家係直接用手機落單，環保得來又唔使咁麻煩要係咁叫侍應落單話嗌野，好簡單Scan個QR code，㩒幾個制就搞掂👍🏾，作為環保分子之一嘅我，可以慳到咁多不必要嘅紙真係好開心添無諗過中午時份都會有咁多人嚟食放題，坐滿左足足七八成嘅位。坐低左梗係即刻叫嘢食啦😋！刺身壽司卷物手卷軍艦天婦羅炸物一品料理面食串燒甜品......可以揀嘅食物真係多到花多眼亂😍話明咁即係減壓大餐，梗係咩都要揀啲嚟食啦！用手機點咗嘢食唔夠5分鐘開始送嘢食嚟，真係好快手👍🏾每樣嘢食都好新鮮，熱食熱辣辣，脆食脆卜卜，凍食冷冰冰😆我會相信食物真係即叫即整咁，面對着咁多美食，我都忍唔住開
地址：尖沙咀彌敦道74-78號文遜大厦5樓
正值考試期間，除左大吃大喝之外我諗唔到有咩方法可以令我減壓，所以我就決定中午去食餐好嘅，以解決我壓力大嘅問題😎相信好多人都會同我一樣，除咗瞓覺之外，食嘢就係一種減壓嘅享受，所以我覺得中午食放題都係得嘅！
出到人來人往嘅尖沙咀，成日經過尖沙咀地鐵站附近嘅彌敦道都會見到大喜屋日本料理放題，今日終於如我所願可以食到喇😋午市食仲要平啲添
睇來我真係好耐無去食放題喇，原來大喜屋嘅放題依家係直接用手機落單，環保得來又唔使咁麻煩要係咁叫侍應落單話嗌野，好簡單Scan個QR code，㩒幾個制就搞掂👍🏾，作為環保分子之一嘅我，可以慳到咁多不必要嘅紙真係好開心添
無諗過中午時份都會有咁多人嚟食放題，坐滿左足足七八成嘅位。坐低左梗係即刻叫嘢食啦😋！刺身壽司卷物手卷軍艦天婦羅炸物一品料理面食串燒甜品......可以揀嘅食物真係多到花多眼亂😍話明咁即係減壓大餐，梗係咩都要揀啲嚟食啦！
用手機點咗嘢食唔夠5分鐘開始送嘢食嚟，真係好快手👍🏾每樣嘢食都好新鮮，熱食熱辣辣，脆食脆卜卜，凍食冷冰冰😆我會相信食物真係即叫即整咁，面對着咁多美食，我都忍唔住開始瘋狂掃食喇~
芝麻雞翼皮薄香脆，皮脂一咬就流出嚟，加埋芝麻就更加香，雞肉非常嫩口又熱，食之前要小心熱呢
羊鞍🐑加上咗香草同肉桂葉，唔使點芥末都已經好夠味，再加上羊本身唔係好羶，鍾意食羊肉但係唔鍾意羶味嘅人一定可以接受到，而且肉質豐富，煎熟嘅程度啱啱好，唔會好un好痴牙，正~
刺身亦多個超過10款，連虎蝦同象拔蚌都有，加上檸檬汁之後鮮味更加突出，淨係食刺身都抵番條數！
食完唔好走住！仲有Häagen-Dazs或者Mövenpick雪糕可以揀， Häagen-Dazs仲有茉莉花味同Mövenpick海鹽味期間限定雪糕俾你揀，真係滿載而歸~
張貼
