龍門棧 (已結業)

一入到尼就覺得尼到好靚，好有格調，好岩慢慢係到歎杯茶食個包傾下計所有staff都係好醒目，好快手，又會主動幫手斟茶，抵讚！佢連茶都可以有好多choices架～好欣賞佢地一樣野係，我同朋友兩個人尼，不過佢有好多野食都係三件，佢都會主動問我地使咪轉成兩件，每樣都會問一問，好貼心呀，而且最後上點心個下已經係分好一人一set🤣成件事係好decent咁樣present出尼！我地叫左一個海膽春卷入面有啲蝦亦有啲菜，海膽配落去完全帶起成個味，好夾，春卷亦都炸得好脆！尼個就係我地轉兩件嘅點心喇小籠包蟹肉味好香，皮亦都夠哂薄，多汁！超級鍾意個燒賣，上面有帶子，下面有超足夠嘅蝦，好正！蝦餃個皮都係夠哂薄，唔會同入面分開哂，手工好好！甜品都係一流架！