hEat (已結業)

係元宵節嘅前夕，老公帶我去呢一間位於灣仔嘅地中海菜 hEAT。未講食物之前先講吓間店舖，燈光柔和加埋佈置極有氣氛，音樂唔嘈，傾偈飲酒食嘢一流👍🏻。基本上佢都會安排客人坐窗邊位先，然後就喺餐廳較中間嘅位置。店員方面無論男女都有禮貌，會為客人介紹菜單，無需要等你出聲，都會主動斟水，係用膳之前會幫你鋪餐巾係你大腿上面。今晚晚餐方面就選擇咗share menu for two (8 course ) $1388 + 10% service charge = $1527 首先來嘅係蟹&龍蝦嘅濃湯，一上枱鮮蝦嘅香味已經好濃郁，就好似平時自己係屋企煮大蝦，拎咗蝦頭先煎香佢嘅味道，然後用匙羹攪拌，就會發現有好多蟹同龍蝦嘅肉😋非常好味第二道係Tuna steak 魚肉嫩滑而不腥，配埋酸酸甜甜醬同菜，用來做開頭菜最適合不過。第三道係Oysters 🦪 大既係來自法國 🇫🇷 細既係來自日本🇯🇵個人比較喜歡法國嘅，除咗係creamy一啲之外，亦因為日本嘅相對就較少肉同細隻，冇咩口感。第四道係Foie gras將鵝肝既外皮煎香，鵝油味極濃，先係原味咁食，外脆而內入口即溶。然後整穿個蛋，夾埋一齊食，又另一番味道。