新麻蒲 BBQ (東港城) (已結業)

我最喜愛食物之一就是韓燒啦，所以一兩個月總會去一次。今次去新麻蒲BBQ，佢有好幾間分店，之前食過都唔錯。估唔到平日夜晚都幾多人，大部分都食韓燒。餐廳環境及設計都幾好，坐位亦闊落，幾舒服。未點肉類前已有五種前菜及生菜，可以無限任添。個人最愛泡菜及海帶，泡菜不太辣、易入口。海帶酸酸甜甜、好開胃。開完個胃就係食肉時候，我超愛食牛，無牛不歡，所以點了summer set!有三款牛，牛仔骨、牛肋排及霜降牛。牛仔骨有嚼口，好有牛味，而且好大塊！牛肋排好嫩滑，脂肪比例剛好，食多多都得，個人認為唔包生菜更享受，超讚！霜降牛都好腍，這款牛味最重，食完會回味一番！生菜加上前菜及牛肉都幾特別哦，酸酸加鹹鹹的。爐邊蛋亦是我愛食的，可以無限任添，食左三轉，抵晒！食完發現有將軍澳職人專享，可以慳幾十蚊，唔錯！食完美味既牛肉已經無肚再食甜品，但見到雪花冰真的好吸引，下次吃吧！