新麻蒲 BBQ (東港城) (已結業)

人燒我又燒，好耐無燒肉喇，但天氣太熱，唔想係户外燒烤，所以就去食吓韓燒！我哋嗰日晏晝去到，唔算好多人，但係因為我哋係午市嘅時候去，所以好多人都係食緊佢嘅午市套餐，反而好少人喺度燒肉！但係我哋今日呢就係想燒烤！咁點可以冇燒肉啊！我哋打開午市套餐個Menu，發覺原來佢都有燒肉套餐，真係好開心呀！又可以燒肉又可以平啲嘅價錢去享受韓燒，不得了！肉嘅質素都幾唔錯，尤其是個護心肉，入口即溶！因為個燒肉套餐冇乜雞肉，所以我哋要咗個韓式雞肉飯套餐，個雞肉嘅味略嫌有少少痰，如果可以加多啲醬汁就好啦，但係都可以點距俾我哋嘅醬汁，咁就中和返個味道啦！嘢飲方面我哋要左兩杯凍檸茶同埋一個特色嘅嘢飲，佢個賣相非常之好，令到人哋好想試一試！