影片
更多
2019-01-02
3692 瀏覽
bookmark 左浪人好耐，今日終於約埋fd 一試. 其實朋友黎之前對放題興趣不大，總覺得任食質素都麻麻. 但今次剛黎到攞第一輪野食已經打破左佢bias, 一邊食一邊話要介紹比其他fd 黎😂🤣Round 1...就係每樣都想試d ，款式頗多. 最後實在太飽有d 都無試過🙈日式放題不可缺少就緊係刺身同壽司. 刺身壽司有甘海老，帆立貝，北寄貝，三文魚，海膽壽司，鵝肝壽司，火炙三文魚，蟹籽壽司等. 其中三文魚幾香，帆立貝亦都好肥美大粒. 火炙三文魚可以再燒耐一點，炙燒油脂香如果重d 就更出色. 之後就到我最欣賞燒烤吧，照燒串燒全部熱辣辣即燒. 有華味雞，羊架，和牛串，帆立貝，香草豬肉腸，燒菠蘿片...其中好喜歡燒菠蘿片，燒過就更香甜，而且多汁無渣，真係好食和牛串，帆立貝，香草豬肉腸都唔錯，加上醬汁燒過就更惹味. 仲有最欣賞羊架，忍唔住encore. 而且幫佢影大頭照🤣 燒時間剛剛好，入面仲係粉紅色大概7成熟. 肉質真係好軟嫩juicy， 帶點羊肉香但卻完全唔騷. 點上一邊略帶甜味薄荷醬就更畫龍點精. 呢道羊架真係好高水準，完全可以媲美之前去過其他西餐廳幾百蚊碟羊架. 而且呢度仲可以任食，前
Round 1...就係每樣都想試d ，款式頗多. 最後實在太飽有d 都無試過🙈
日式放題不可缺少就緊係刺身同壽司. 刺身壽司有甘海老，帆立貝，北寄貝，三文魚，海膽壽司，鵝肝壽司，火炙三文魚，蟹籽壽司等. 其中三文魚幾香，
帆立貝亦都好肥美大粒. 火炙三文魚可以再燒耐一點，炙燒油脂香如果重d 就更出色.
之後就到我最欣賞燒烤吧，照燒串燒全部熱辣辣即燒. 有華味雞，羊架，和牛串，帆立貝，香草豬肉腸，燒菠蘿片...其中好喜歡燒菠蘿片，燒過就更香甜，而且多汁無渣，真係好食
和牛串，帆立貝，香草豬肉腸都唔錯，加上醬汁燒過就更惹味.
仲有最欣賞羊架，忍唔住encore. 而且幫佢影大頭照🤣 燒時間剛剛好，入面仲係粉紅色大概7成熟. 肉質真係好軟嫩juicy， 帶點羊肉香但卻完全唔騷. 點上一邊略帶甜味薄荷醬就更畫龍點精. 呢道羊架真係好高水準，完全可以媲美之前去過其他西餐廳幾百蚊碟羊架. 而且呢度仲可以任食，前提係要食得落🤣最後我都食左3舊就必須停手，太飽
後來聽店員講，平時食羊架多數黎自new zealand，但呢道羊架黎自蒙古，所以口感上就更出色
金菇肥牛卷還不錯
除左自己攞，亦有menu可以order 更多菜色. 芝麻雞翼幾香脆，仲有雜錦天婦羅同吉烈炸物.
朋友吉烈大蝦同天婦羅蝦都各叫左一客，試完我強烈建議大家喜歡炸物既話選天婦羅就夠. 吉烈相對炸粉更厚，油膩感更高. 倒不如留肚空位食多d 燒物壽司
煙肉芝士焗生蠔，唔知係咪焗耐左，呢款蠔無咩味亦較乾. 反而炸蠔唔錯，多汁無腥味
除左烏東仲有炒飯等，原本9成飽無打算叫，但聽到隔離枱女仔講左幾次烏東好好食🤣所以選左呢款烏東，其實就係紫菜，蛋加上烏東. 湯底簡單帶上紫菜香，撈勻蛋mix 上烏東，剛食完油膩炸物再飲啖湯幾舒服. 烏東口感亦唔錯，唔會太腍.
一邊既係日本梅酒，酸酸甜甜大愛. 除左梅酒仲有日本清酒，酒味相對較濃烈，岩好酒之人.
其他放題一般飲料都齊，不過太常見個人就無太大興趣，反而推薦試下日本酒同佢既日本魚湯，相片篇幅有限就唔post. 係好足料三文魚同白蘿蔔熬煮而成，呈乳白色香甜濃郁，贊
最後甜品控既我緊係唔可以錯過甜品吧.水信玄餅晶瑩剔透實在好靚，口感類似jelly, 味道清清地還不錯
每日應該有唔同雪糕供應，當日有綠茶，柚子同芝麻. 柚子清新，芝麻都幾香，反而綠茶相對失色.
另一道喜歡甜品係焙茶芝士蛋糕，焙茶味意外地頗香濃. 豆腐奶凍亦唔錯，帶豆腐淡淡香味.
伯爵茶卷蛋同菠蘿蛋糕就普通. 除左蛋糕，仲有水果可供選擇，好酸既我夾左一堆blueberry 同raspberry. 最後實在太飽無試到抹茶蕨餅，即製creme brulee同水果pancakes. 等下次再黎試埋先！
overall 無限時，坐得闊落舒服. 服務亦唔錯，上菜快，職員有禮貌而且主動refill 水茶. 計番每人都係328，比平時放題貴d 就有高好多食物質素同環境，個人覺得性價比好高. 下次有fd 想食放題都會encore 呢間
張貼
