串燒王 (登龍街)

營業中

休息中

已經有一排冇食串燒～朋友介紹呢間，話燒烤質素好好，調得好好味，又燒得啱啱好～今日happy Friday，一於就帶老細嚟食好西啦！！店面望落設計比較型格舒適～同一般串燒店有少少分別～仲好好生意，爭啲要等位添！😅🤣🍆蒜蓉燒茄子：必點！！茄子好大條～燒得好juicy～因為一夾起已經離皮，唔會太鹹，蒜蓉味好香，微辣…十分好味！🦐鹽燒海蝦：好大隻！幾抵食（$88/6）！又係調味好好～燒得好好～外殼脆卜卜，可以嘅話，你可以連殼食埋，蝦頭有羔～又係好juicy！！🐚清酒煮蜆：清酒味都幾香～蜆細細隻，都算鮮甜～最緊要係冇沙！！🍜家鄉炒米粉：我轉咗粉絲，因為想食啲飽肚嘢，我見隔離兩枱食飯添！！🤣🍗雞中翼：又係要讚！👍🏻👍🏻外皮燒到脆卜卜！但係入面啲肉竟然係有汁㗎！呢間嘅燒烤師傅真係好掂！！🦑魷魚鬚：本來想食魷魚筒，老細話怕太大隻同埋膽固醇過高…🙄😵‍💫所以為咗滿足口感，就淨係嗌鬚啦！😅都燒得好好，又係有焦香～但係又唔韌！🍖台灣腸：外皮彈牙～脆口～肉汁多～大滿足！！🥰🥳其他主力都係蔬菜：翠玉瓜、雞髀菇、金菇、四季豆～全部都燒得恰到好處！唔會燶…最緊要係調味唔會過鹹過辣！🍻生啤：勁抵飲！！$48買一送一！