浪人日本料理 (已結業)

食放題下下都得兩個鐘，食到好趕急？🤔今次K發現左一間可以比你坐低慢慢食既高質放題😎，由晚上630pm食到1030pm，名符其實可以慢慢食慢慢吹下水🤗🤗呢間浪人日本料理係半自助式既放題，即係有得出去拎野食，又有得寫落單紙😝！先帶大家睇下睇沙律前菜區，除左一般自由組合既沙律外，呢度既前菜仲有parma ham配蜜瓜、吞拿魚酥盒、燒汁茄子、生蝦、蟹子沙律、麻醬凍豆腐等，第一輪先掃食一下！佢地既刺身區係即叫即切嫁，款款都好新鮮肥美，而且店員真係一啲都唔吝嗇😜，片片都厚切咁上😏，食左兩碟好滿足吖！仲有壽司區，見到店員不停搓不停搓🤣🤣，重點推介海膽壽司😋😋格離個串燒區係K既最愛😭😭，有燒羊架、燒牛肉粒串、燒豬肉腸、燒菠蘿、燒魚同燒蝦！燒牛肉粒啖啖好juicy；羊架味道亦唔會好膻，呢兩款K真係不停encore！咁落單既野食又有啲咩呢？揚物有吉列廣島蠔、吉列紫芋栗子餅(紫芋蓉裏面包住碎粒栗子，好正！)等；一品料理有清酒煮蜆、金菇牛肉卷等；小食/焗類有芝麻雞翼、炸餃子、煙肉芝士焗生蠔、黃金帶子等。另外都有飯麵類、天婦羅等。K最愛係佢地既燒魚！！尤其係燒魚鮫！熱辣辣既魚燒得好有焦香，魚肉係入口即化！十級正