喜來稀肉 (已結業)

最近睇得韓劇多，又愛的迫降，梨泰院class，搞到成日有一鋪想食韓國嘢嘅引。所以諗都唔使諗就諗住去韓燒，呢一間都幾出名，我仲記得之前仲係要等位等好耐添，今日去到，因為我食嘅時間都比較早就唔使等位，但係到我買單嘅時候已經有一班人等緊位啦，可見近排嘅韓風仍然吹得好勁。一坐低，職員已經幫我哋整咗路邊蛋，有兩隻味一隻就係芝士令一隻就係泡菜。然後枱上面已經擺滿韓國嘅前菜，有醃蘿蔔、泡菜.....🥳今日唔係好想食豬，想食牛，所以叫咗三碟都係牛，首先就叫咗牛嘅護心肉、真雪花牛肉、牛舌。其實之前我通常都係嗌豬嘅，但係今日又好想食牛喎，估唔到牛肉都好多驚喜。真係三款牛肉🐮🐮都好好食，而且三款嘅質地都唔同，牛舌係薄身，護心肉係最嫩口，真雪花牛肉最有牛味。而且每一啲份量都好大碟，所以計返落條數，其實個性價比好高，百幾蚊一碟，但係有超多塊。😎😎除咗肉之外，另外再嗌咗個海鮮拉麵，係辣嘅，其實有啲似平日嘅薯仔麵，但係上邊加埋海鮮，有青口同埋蝦。🍤另外再嗌左個蟹子紫菜飯，呢個又係簡單得來但係超好味，咁大兜，但係我哋都清晒。🤩另外值得一提係啲前菜、蛋、生菜都係可以refill 。❤️❤️今餐食完之後，我哋都捧住個肚離開，