甜記餃子 (已搬遷) 新店位置

食過旺角分店既我，排隊排左1個鐘。今次見到長沙灣分店人流唔算多，只係等左5分鐘就有得入座。今次試左醉雞配台灣麵，要蕃茄湯底。超中意食蕃茄湯既我，呢到清清甜甜既蕃茄湯，唔會係用茄膏去淆，又唔會酸酸地，飲多兩啖都唔會覺得口渴。一個新食法就係將店既自家製辣菜脯，放係麵上面，再加小小湯，係非常好食！呢到既辣菜脯係偏辣嫁至於雞係夠入味，食到好香花雕酒之外，仲有杞子香。不過，唯一唔好既係d雞肉唔夠嫩，整體黎講都係好味黎到甜記當然要食埋佢個餃啦！今次叫左煎既韮黃雞肉餃同洋蔥薯仔牛肉餃。兩種餃之中，牛肉餃係比賽多汁，再配埋個辣菜脯，去提升翻個味，十隻餃真係好容易清曬！