Sodam Chicken (已結業)

經openrice 訂枱，8:30pm 後入座全單78折🤩太陽芝士炸雞 無骨 （$208）炸雞肉質嫩滑，不鞋口，不乾身，仲有啲juicy添，炸粉唔會過厚，外皮炸得非常香脆，配埋大大個 脆卜卜既麵包，入面滿載住熱熔左既水牛芝士、車打芝士 同埋秘製芝士醬汁，每舊雞點入去都做到芝士拉絲效果🤩🤩🤩。食到最尾嗰包都仲係脆，完全冇浸林左嘅感覺，用埋淨低嘅芝士同埋醬一齊食，淨係呢個雞兩個人食都已經覺得好飽。如果芝士再多啲就更好🤣，因爲最尾唔夠個包點。芝士焗西蘭花（$55）因為淨係食雞覺得太多肉，所以都叫咗一個菜，焗西蘭花上面鋪左啲芝士，冇咩特別既調味，有少少寡口，西蘭花有啲焗燶左變黑色😐。藍乳酸燒酒（$78）麻麻地，冇咩酒味，飲落又artificial，以後再食都唔會再order。餐廳內有清水供應，但自取的，每張餐枱上面都放了一盒透明膠手套， 方便食客即時取用。