影片
更多
2024-04-03
35 瀏覽
經朋友介紹無意間發現到呢間餐廳，餐廳環境闊落，聽說夜晚還會有live band坐鎮，好適合同朋友食下飯，飲杯嘢傾吓偈🍻餐湯今次係紫薯湯，每次都有機會有唔同嘅餐湯，如果加$58嘅話就可以轉龍蝦湯，龍蝦湯幾濃味，都有啲龍蝦肉粒，但又未算好驚豔，所以下次未必會加錢轉龍蝦湯，因為餐湯都唔差。小食方面就加咗一個泰式蟹餅，炸得幾香口，咬落去滿口蟹肉，幾滿足🦀慢煮雞胸牛油果藜麥沙律就好適合減肥唔想食圓形澱粉質嘅朋友，慢煮雞胸一啲都唔鞋，牛油果抗氧化之餘又充滿維他命C同E，健康得來又好味，加埋啲藜麥就夠晒飽🥗西京燒比目魚幾有驚喜，一整塊比目魚份量不少，肉質淋滑，配上醬汁撈飯一齊飯份外滋味，唔想太膩嘅話，呢個都係唔錯嘅選擇。▪️Set Lunch $128▫️ 經典蟹肉龍蝦忌廉湯 (+$58)▫️慢煮雞胸牛油果藜麥沙律▫️Ice Lemon Tea▫️泰式蟹餅 (+$38)▪️Set Lunch $138▫️精選餐湯▫️西京燒比目魚配白飯
餐湯今次係紫薯湯，每次都有機會有唔同嘅餐湯，如果加$58嘅話就可以轉龍蝦湯，龍蝦湯幾濃味，都有啲龍蝦肉粒，但又未算好驚豔，所以下次未必會加錢轉龍蝦湯，因為餐湯都唔差。小食方面就加咗一個泰式蟹餅，炸得幾香口，咬落去滿口蟹肉，幾滿足🦀
慢煮雞胸牛油果藜麥沙律就好適合減肥唔想食圓形澱粉質嘅朋友，慢煮雞胸一啲都唔鞋，牛油果抗氧化之餘又充滿維他命C同E，健康得來又好味，加埋啲藜麥就夠晒飽🥗
西京燒比目魚幾有驚喜，一整塊比目魚份量不少，肉質淋滑，配上醬汁撈飯一齊飯份外滋味，唔想太膩嘅話，呢個都係唔錯嘅選擇。
▪️Set Lunch $128
▫️ 經典蟹肉龍蝦忌廉湯 (+$58)
▫️慢煮雞胸牛油果藜麥沙律
▫️Ice Lemon Tea
▫️泰式蟹餅 (+$38)
▪️Set Lunch $138
▫️精選餐湯
▫️西京燒比目魚配白飯
張貼
