露面手工拌麵料理

再次嚟到呢度間位於灣仔嘅露面，佢地嘅口水雞滑不溜口，麻辣程度唔會太over，好岩我口味。我同朋友都忍唔住 連雞皮都食埋。 $82套餐包一碗滷肉飯，滷肉同香菇切到差唔多大細，珍珠飯粒粒飽滿，一匙飯連同醬汁、滷肉、香菇，啖啖滋味。秘製香槽醉豬手$55厚厚豬皮同紮實嘅肉質盡吸香槽韻味，食落口感十足之餘仲齒頰留香。七彩雞絲拌麵 胡麻醬$557色配菜賣相夠曬吸引，胡麻醬份量充足，拌起嚟食清新爽口。老壇酸菜湯小雲吞十隻$42小雲吞嘅皮好高質，入口非常順滑，配埋酸菜湯十分醒胃。