露面手工拌麵料理

記得一年前嚟過依度食，當時係買外賣因為唔俾堂食，今日終於有機會坐低喺度食啦。鎮店蟹皇拌麵 $98睇住橙黃色嘅蟹皇，簡直係食指大動。將成碗蟹皇倒落去啲麵到再拌勻，食落去就感受到蟹皇嘅鮮甜，值得推介。老壇酸菜湯小雲吞10粒 $42湯底有濃濃嘅酸菜味，小雲吞剛好一口一啖，唔錯。秘製香糟醉雞 $58雞皮唔算太厚，食落有淡淡嘅酒香，係唔錯嘅小食。滑溜溜香芋鮮奶 $28杯飲品飲落去奶味較重，不過都有淡淡的香芋味。見到佢哋出咗一人拌麵套餐，等我下次一個人嚟嘅時候試吓先。