海鯛魚湯專門店 (已結業)

經過見到餐廳門口有條紅色大魚，非常搶眼，再望下呢到嘅餐牌，先發現原來呢到係主打日式鯛魚湯，另外仲有壽司、刺身、烤物等等，日式嘅美食都應有盡有，重點係又唔洗比加一服務費，真係令人急不及待想食到呢到嘅美食！一入到去，果然冇令人失望，餐廳內嘅裝修以日式嘅簡約風格為主，環境雅致舒適，用來慢慢品嚐美食就啱哂啦～花膠魚肚鯛魚湯烏冬💰HK$78最具特色嘅就一定係呢到嘅鯛魚湯，鯛魚湯濃郁到顏色都呈奶白色，飲落去相當之清甜同順滑，充滿魚嘅鮮味，令人忍唔住飲晒成碗！材料亦都好足，花膠同魚肚都各有四舊，特登簡咗呢兩樣都係容易吸收到湯底嘅餸，口感彈牙，而且咬落去啖啖都盡顯鯛魚湯嘅鮮味～廣島日本蠔鯛魚湯烏冬💰HK$88廣島蠔有3隻，大大隻好鮮甜，真材實料，烏冬係偏幼身嘅稻庭手打烏冬，入口非常彈牙，掛湯能力比較好，配埋昆布同埋木耳食落更加口感豐富～鵝肝多士 (2件)💰HK$28聽聞呢到嘅鵝肝多士都係呢到必叫嘅食物之一！多士烤得非常香脆，鵝肝喺多士嘅正中間，食得出仲加咗啲洋蔥同埋黑椒去調味，食完成舊都唔會覺得好漏～汁燒和牛粒(1串)💰HK$38一串有四粒，粒粒都重牛味，好juicy～不二家蜜桃梳打💰跟餐+HK$13