影片
更多
2020-08-05
1926 瀏覽
呢間酒吧餐廳🍻單係店外望落平平無奇，實情佢係澳洲一間啤酒廠轉移陣地黎到香港呢度開店，一行入去就會見到右邊有好多酒桶同水管，手工啤酒直接係店內釀造夠晒新鮮👍🏻-店舖面積非常之大，樓底夠晒高完全無壓迫感，係度同朋友飲住啤酒吹返兩嘴都咪話唔chill🤣******************************✨Beer Paddle🍻 ($140)呢度既手工啤酒大大話話有成13款咁多，酒精濃度介乎3.8%至6.4%至間📶，無心水既話點呢個beer paddle就最岩喇！百零蚊就可以一次試飲6款特選啤酒，每杯100ml份量唔會太多😉Paddle上桌時店員會埋黎逐一介紹每款風味同特點，6款啤酒平排係度🍷🍷🍷🍷🍷🍷，由淡到濃咁逐一細味品嘗，成件事即刻變到好pro🤣每款啤酒各有特色，個人認為以下幾款比較特別：Bright Ale 帶有細小氣泡，飲落會好似飲緊氣泡酒🥂咁，味道好fruity岩晒女仔飲；Pale Ale開頭飲落幾refreshing，後勁帶有好強既麥味；Rogers飲起上黎帶有expresso味道；IPA係呢度酒精濃度最高既啤酒，飲第一啖明顯感受到，味道非常濃厚，仲帶有啤酒應有既苦澀味
呢間酒吧餐廳🍻單係店外望落平平無奇，實情佢係澳洲一間啤酒廠轉移陣地黎到香港呢度開店，一行入去就會見到右邊有好多酒桶同水管，手工啤酒直接係店內釀造夠晒新鮮👍🏻
-
店舖面積非常之大，樓底夠晒高完全無壓迫感，係度同朋友飲住啤酒吹返兩嘴都咪話唔chill🤣
******************************
✨Beer Paddle🍻 ($140)
呢度既手工啤酒大大話話有成13款咁多，酒精濃度介乎3.8%至6.4%至間📶，無心水既話點呢個beer paddle就最岩喇！百零蚊就可以一次試飲6款特選啤酒，每杯100ml份量唔會太多😉
Paddle上桌時店員會埋黎逐一介紹每款風味同特點，6款啤酒平排係度🍷🍷🍷🍷🍷🍷，由淡到濃咁逐一細味品嘗，成件事即刻變到好pro🤣
每款啤酒各有特色，個人認為以下幾款比較特別：Bright Ale 帶有細小氣泡，飲落會好似飲緊氣泡酒🥂咁，味道好fruity岩晒女仔飲；Pale Ale開頭飲落幾refreshing，後勁帶有好強既麥味；Rogers飲起上黎帶有expresso味道；IPA係呢度酒精濃度最高既啤酒，飲第一啖明顯感受到，味道非常濃厚，仲帶有啤酒應有既苦澀味，比較適合男士🧑🏻🦱
-
✨Steamed mussels ($185)
青口既份量唔少，每隻都肥美又大隻🤤 除左白酒、香草🌿同牛油🧈外，餐廳更加入辣肉腸同洋蔥去煮，烘烤過既法包點埋呢個醬汁黎食非常惹味😋
店內亦有提供一碗檸檬水🍋俾客人食完洗手🙌🏻，十分貼心💗
-
✨Umami Carbonara🍝 ($175)
用上蟹肉🦀、白毛豬火腿🥓同三文魚子成本比較貴既食材，餐廳將醬汁調較到creamy得黎但唔油膩，但因為本身三文魚子同火腿味道偏濃，加上木魚碎同調味既蝦粉，撈埋一齊味道偏鹹，個人認為以呢個價錢黎講唔太抵食❌
-
✨Meat Lovers (12oz)🍔 ($195)
差唔多二百蚊食一個漢堡包其實都幾貴🤨 而呢款漢堡包🍔貴在用左兩塊加埋成12安士既漢堡扒，等同於食一塊牛扒🥩，落單時店員亦會詢問漢堡扒想要幾成熟👨🏼🍳
漢堡包殼外脆內軟，7成熟既漢堡扒夠晒juicy，另外仲有煙肉🥓，肉既份量真係幾多，果然包如其名🙈 加埋特製蛋黃醬食落開胃，食完半個都冇膩濟感🤣
伴碟既薯條🍟同金拱門既冇咩分別，最正既係佢個黑松露醬味道非常濃郁，令人無法抗拒🤤👍🏻
-
✨Chocolate Walnuts Brownie🍫 ($85)
鐵板🥘上桌時十分高溫，店員係hazelnut gelato🍨上淋上焦糖朱古力醬之後馬上形成一層薄脆，朱古力醬流落鐵板時好似溶岩漿咁🙈
gelato食落帶有hazelnut顆粒口感不錯，但brownie質地偏乾，如果濕潤返d會更加出色
******************************
👧🏻人均消費：$200-$400 (另+10%服務費)
😋味道指數：3.5/5
💰抵食指數：2.5/5
🪑環境指數：3.5/5
💁🏻♀️服務指數：3.5/5
👍🏻再訪指數：3/5
-
📍 Little Creatures
地址：西環堅尼地城堅彌地城新海旁2-5A號五福大廈地下1號舖
⏰營業時間：11:30–23:00 (Mon—Thu)；
11:30–00:00 (Fri)；
08:00–00:00 (Sat)；
08:00–23:00 (Sun)
張貼
