影片
更多
2023-04-23
696 瀏覽
澳洲牛奶公司（簡稱「澳牛」）以特別服務態度聞名，網上更流傳多份落單特別攻略😆 於是，小編決定親自試一試，一探究竟🤪 澳牛位置好近佐敦地鐵站，喺上次介紹嘅麥文記麵家隔離🏘️ 當日3點去到，原本以為下午茶時間會少啲人，點知都幾多人排隊（十幾個左右，後來越排越多人）不過，10分鐘內已經排到我哋，同麥文記一樣非常快嘅效率🤣我哋一坐底，侍應就會問你食咩（記得入去之前諗定食咩😛）然後30秒內就上菜，非常非常之快🤣 同一時間，成間餐廳嘅氛圍好似打仗咁，但每個侍應又亂中有序咁知道自己做緊咩，所以都幾好奇到底係點樣function🤣🤣1️⃣ 茶餐（$52 ＋$2） 【炒蛋、通粉、多士、凍奶茶】 凍奶茶好出色！係傳統港式奶茶嘅味道，入口順滑，奶味好香，沖得好好飲☺️ 依家出面好難飲到呢個味，不過偏甜～烘牛油方包搽滿牛油，牛油味香🧈 同滑蛋一齊食好正，滑蛋有少少鹹🤏🏻🤏🏻 通粉份量多，味道正常冇乜特別🍽️2️⃣ 熱蛋白燉鮮奶（$33）係會再食嘅甜品🤤🤤 有濃郁嘅牛奶香味，口感順滑，推薦👍🏻👍🏻👍🏻✏️ 係舊式茶餐廳嘅體驗，侍應態度冇想像中咁恐怖🙊 不過睇人，後面有枱落單俾人窒😂✏️ 落單方面，流程未必跟網上攻略，自己執生🤫—
澳牛位置好近佐敦地鐵站，喺上次介紹嘅麥文記麵家隔離🏘️ 當日3點去到，原本以為下午茶時間會少啲人，點知都幾多人排隊（十幾個左右，後來越排越多人）不過，10分鐘內已經排到我哋，同麥文記一樣非常快嘅效率🤣
我哋一坐底，侍應就會問你食咩（記得入去之前諗定食咩😛）然後30秒內就上菜，非常非常之快🤣 同一時間，成間餐廳嘅氛圍好似打仗咁，但每個侍應又亂中有序咁知道自己做緊咩，所以都幾好奇到底係點樣function🤣🤣
1️⃣ 茶餐（$52 ＋$2）
【炒蛋、通粉、多士、凍奶茶】
凍奶茶好出色！係傳統港式奶茶嘅味道，入口順滑，奶味好香，沖得好好飲☺️ 依家出面好難飲到呢個味，不過偏甜～
烘牛油方包搽滿牛油，牛油味香🧈 同滑蛋一齊食好正，滑蛋有少少鹹🤏🏻🤏🏻 通粉份量多，味道正常冇乜特別🍽️
2️⃣ 熱蛋白燉鮮奶（$33）
係會再食嘅甜品🤤🤤 有濃郁嘅牛奶香味，口感順滑，推薦👍🏻👍🏻👍🏻
✏️ 係舊式茶餐廳嘅體驗，侍應態度冇想像中咁恐怖🙊 不過睇人，後面有枱落單俾人窒😂
✏️ 落單方面，流程未必跟網上攻略，自己執生🤫
———————————————————
🌈如果你中意呢類型嘅內容，可以follow我哋Instagram @metropoliture.hk🙌🏻🙌🏻🥰
張貼
