澳洲牛奶公司

營業中

休息中

今天沒進食午餐，跟著便到佐敦練舞，所以下堂後已感到非常肚餓。途經澳洲牛奶公司，居然祇得一位食客在排隊，加上差不多已一年沒有幫襯，咁就决定下午茶就係呢度食啦。因我不太喜歡佢哋嘅套餐，尤其佢哋嘅湯意粉並不是我那杯茶，所以今天寧願點散餐 - 炒蛋多士、杏汁燉蛋及熱檸檬茶。炒蛋多士 - 仍然保持一貫的嫩滑，有很濃濃的蛋味 不過今次我覺得味道咸了一點及油多了少許，但配合香脆的多士，仍然覺得非常美味。杏汁燉蛋 - 澳洲牛奶公司的燉蛋及燉奶的水準素來非常之高；今次仍看到蛋面上平如湖鏡，當我舀一匙，嫩滑的甜蛋就從口滑進去，又唔會過甜，食到淡淡的杏仁味加上濃郁的蛋味，水準依然咁高咁好味，冇令我失望。