CAFÉ LANDMARK

營業中

休息中

Book位book唔切，好彩walk-in都等到6人檯✌️其實set lunch唔係特別吸引，d signature嘅食物幾乎冇。👎🏿餐飲選擇都唔少。最後我哋揀咗signature嘅龍蝦湯、龍蝦意粉、牛油果蟹肉沙律、牛油果豆腐沙律。餐廳好處在於，可以幫我哋分好需要share嘅食物。最後，我哋一行6人嗌咗4個龍蝦意粉，3個龍蝦湯來share。分好咗嘅龍蝦湯賣相就必然冇咁好睇咖啦，但最緊要味道一流吖嘛！眞係集鮮，甜，香，濃於一體。龍蝦意粉，分好咗都幫客人砌返好，龍蝦肉起埋，唔需要自己操刀。扁意粉煮嘅時間適中，唔會太硬；source唔會太黏稠，食落還有蟹肉碎，口感豐富。賣相唔吸引，但食落有驚喜。哈哈！磚豆腐嘅形狀同百福眞係好似 🤣🤣 估唔到豆腐同牛油果可以咁夾～ 好fresh好消滯～蟹肉蟹籽伴牛油果，👍🏼👍🏼沙律菜新鮮，黑醋醒胃。由於我哋係walk-in，要準時交台俾下一個booking，所以1300侍應就準時埋來remind。甜品都唔夠時間食 😞 下次再試其他signatures。