LeeLaksa

營業中

休息中

一碗熱辣辣既喇沙，椰香濃郁，麵線煮得口岩口岩好，有彈性得黎又掛到汁。蝦就一開二，正常唔會梅，豆卜索晒d湯汁，辣中帶甜，唔食得辣既我都食到。 喇沙配有參巴醬同青檸，食到一半加落湯提味，唔怕膩。另一碗鴨絲麵摻，鴨絲連皮食到油香，肉量就比較少。麵線摻米粉令到口感更複雜，過癮。食食下發現仲有魷魚，入口彈牙。咖哩味非常惹味，食到底都仲保持到。咖央多士都係口岩口岩烘好，香脆！食咁多濃味野最緊要有杯香茅青檸荔枝soda 去解一解辣同refresh下個味蕾。總結，價錢係中上，質素得非常高，食得出好有誠意。今次已經係第二次黎，亦會再黎幫襯。