札幌拉麵 Miso No.1

營業中

休息中

荃灣我都算地膽，不過因為之前試過勁難食既拉麵後對呢樣嘢卻步左好耐，今日去萬寧經過見到呢間嘢，見到寫住No.1喎，咁再俾自己同拉麵多一次機會啦應該係啱啱開門，所以得兩三枱客。我叫左招牌牛油拉麵套餐加餃子。先講拉麵，都幾彈牙，個湯底真係超正！一上枱已經聞到濃郁既豬骨味，再加埋牛油，簡直絕配！湯圓我差唔多飲曬碗湯，冇加到嘢飲，跟住就去買嘢，成個下午冇飲水都唔覺口乾（咁足以證明唔係味精湯）。不過希望可以加多d豚肉，得一塊半，真係‘多’得佢唔少😂😂😂埋單仲有埋印花卡，儲齊會有現金劵送。即是想人再幫襯嗎？放心，咁好食我一定會再返來既！