更多
2022-08-16
1146 瀏覽
小編喺附近返工,成日都會去中海日升嗰度買外賣。今次我用左Foodpanda 自取,去龍城冰室度拎外賣。由於落大雨,我成身濕晒,姐姐知道我嚟拎外賣,冇其他叫我嗱嗱聲走,仲好好人咁俾咗張紙巾我,仲同我講小心冷親,嗰一刻覺得好窩心。講返塊招牌美國西冷牛扒,牛扒真係好港式牛扒味道。其實我好鍾意食啲港式食物,食材雖然唔係話好靚,但總係會拉住你嘅靈魂,令你好想食。呢個牛扒其實真係算好唔錯,佢完全冇根,煮得好淋,蒜蓉汁味道好重,好入味。想讚一讚佢個焗薯,可能小編自己本來就好鍾意食焗薯,覺得佢煮得好好食。佢個焗薯唔會煮到好粉好爛,煮得啱啱好。佢加咗個日式芝麻醬而不是酸忌廉,我反而覺得幾特別。所以我一定會再食🫶🏻下次我要食黑椒汁
由於落大雨,我成身濕晒,姐姐知道我嚟拎外賣,冇其他叫我嗱嗱聲走,仲好好人咁俾咗張紙巾我,仲同我講小心冷親,嗰一刻覺得好窩心。
講返塊招牌美國西冷牛扒,牛扒真係好港式牛扒味道。其實我好鍾意食啲港式食物,食材雖然唔係話好靚,但總係會拉住你嘅靈魂,令你好想食。呢個牛扒其實真係算好唔錯,佢完全冇根,煮得好淋,蒜蓉汁味道好重,好入味。
想讚一讚佢個焗薯,可能小編自己本來就好鍾意食焗薯,覺得佢煮得好好食。佢個焗薯唔會煮到好粉好爛,煮得啱啱好。佢加咗個日式芝麻醬而不是酸忌廉,我反而覺得幾特別。
所以我一定會再食🫶🏻下次我要食黑椒汁
張貼