鳥語 (已結業)

呢間餐廳所有既食物都係好靚，俾港女打卡就岩哂。餐廳唔太大，座位唔多，所以黎就一定要Book位，如果唔係就冇得食架啦黎到梗係要試下佢個招牌菜「富士山黑豚肉咖哩飯」啦。呢個飯真係超靚，真係整到富士山咁，上面白色下面藍色。側邊圍住既就係咖哩，仲配左好多唔同既蔬菜，真係好colourful，影相影出黎超級靚食落個咖哩都好好味，幾高質。不過個飯我就有少少失望囉，因為佢比我想像中硬，好似未煲熟咁，影響左個口感呢個梅子冷麵都超靚！粉紅色既配隔離仲配左大蝦同帶子，上面就打左隻生蛋同好多蟹子。淨係個賣相都俾100分啦～佢仲會俾個茶壺你，入面係有d酸酸地既汁，你鍾意落幾多就幾多。我覺得呢個冷麵酸酸地幾開胃，夏天食一流。後面仲有個柚子雞翼，雞翼上面淋左柚子醬。睇落好普通，但食落又覺得幾fresh，我第一次食呢個配搭既雞翼，但又唔錯喎！幾值得叫。