影片
更多
2024-03-19
70 瀏覽
居酒屋係日本到係一種大眾文化，經濟舒適既消遣場所，到左香港就成為中高價消費，兩個人簡單食飯動輒上千先可以埋單，遑論開枝清酒品嘗。今晚係鬧市中揾到令和鍋物酒場，裝修滿滿日式居酒屋元素，重點係幾個雪櫃內數不清種類的清酒，睇嚟又係一個唔清醒既夜晚。今晚一行七人難得聚首一堂，決定不醉無歸，揀左無限時任飲24款清酒，仲有啤酒，梅酒，果酒，真係選擇困難，不過好在令和有位清酒專家駐場，係香港為數不多既酒匠，按喜好介紹唔同既清酒比我哋，飲酒之餘又可以增進知識，真係一舉兩得。飲得酒梗係要下酒菜，炸池魚仔，唐揚海苔魷魚兩種炸物酥脆香口，燒鱈魚干卜卜脆，富士山火焰脆脆薯仔沙律兼顧鬆軟同脆口於一身，調味得宜，幾道小菜過後，已經飲左幾種清酒，有清爽，辛辣，甘甜，各有特色，而且坊間少有。主菜揀左薩摩赤雞白湯鍋同海鮮痛風鍋，赤雞鍋雞肉鮮嫩，雞白湯鮮甜，配上一鍋雜菜，食完加兩碗白飯落去慢火烹煮，雞同菜既甜味融入飯中，飲完酒食返碗真係舒暢。痛風鍋有幾種海鮮，仲有鮟鱅魚肝，一邊煮魚肝稍微溶化落湯底，更顯鮮味。驚喜的是海鮮下係肥美既牛大腸同牛粉腸，滷得入味又不失牛脂味，每一口都係邪惡既誘惑，食完一舊又忍唔住食第二舊，酒亦越
今晚一行七人難得聚首一堂，決定不醉無歸，揀左無限時任飲24款清酒，仲有啤酒，梅酒，果酒，真係選擇困難，不過好在令和有位清酒專家駐場，係香港為數不多既酒匠，按喜好介紹唔同既清酒比我哋，飲酒之餘又可以增進知識，真係一舉兩得。
飲得酒梗係要下酒菜，炸池魚仔，唐揚海苔魷魚兩種炸物酥脆香口，燒鱈魚干卜卜脆，富士山火焰脆脆薯仔沙律兼顧鬆軟同脆口於一身，調味得宜，幾道小菜過後，已經飲左幾種清酒，有清爽，辛辣，甘甜，各有特色，而且坊間少有。
主菜揀左薩摩赤雞白湯鍋同海鮮痛風鍋，赤雞鍋雞肉鮮嫩，雞白湯鮮甜，配上一鍋雜菜，食完加兩碗白飯落去慢火烹煮，雞同菜既甜味融入飯中，飲完酒食返碗真係舒暢。痛風鍋有幾種海鮮，仲有鮟鱅魚肝，一邊煮魚肝稍微溶化落湯底，更顯鮮味。驚喜的是海鮮下係肥美既牛大腸同牛粉腸，滷得入味又不失牛脂味，每一口都係邪惡既誘惑，食完一舊又忍唔住食第二舊，酒亦越飲越多，種類竟然仲未重複，真係懷疑自己可唔可以試哂咁多酒。
食過主食後，大家一邊聊天品酒，一邊聽酒匠介紹，又忍唔住點幾道小食伴酒。芝麻雞翼外面一層薄薄既脆皮包住嫩滑既雞肉，食完一隻都真係唔夠喉。月見大啡菇烤完都仲鮮嫩多汁，再伴上金黃既蛋黃，兩者融洽得天衣無縫。北海道花魚一夜干淡淡鹽味，魚肉嫩口無細骨，一口魚一口酒，好快就秒殺一壺清酒。
剛才痛風鍋既牛腸太誘人，不期然點了汁燒牛大腸同牛粉腸，同慢煮和牛筋止癮，香濃既醬汁配上濃厚牛味既牛腸，又係下菜好友。牛筋滿滿既骨膠原，口感軟糯彈牙，牛味依然十足。
最後大家以燒飯團作結，微焦既外層，包上紫菜跟醃蘿蔔，酒後食完墊墊個肚成個人都舒服哂。今晚可以係一個環境氣氛咁舒服既地方飲飽食醉
，大家都相當滿意，值得推薦朋友們嘗試，特別係清酒愛好者，一定會令你樂而忘返。
張貼
